Ægir - 01.12.1989, Blaðsíða 42
658
ÆGIR
12/89
líkjar frá Norcontrol, sem framleiða margs konar
herma og selja um allan heim; m.a. 20 siglingasam-
líkja til Sovétríkjanna, en hver þeirra er með 4 eða 6
eigin skipum. Tveir vélahermar frá sama fyrirtæki
hafa verið settir upp hér á landi; í Vélskóla íslands og
Verkmenntaskólanuni á Akureyri.
Á s.l. ári fengu frændur okkar Færeyingar sams
konar siglingasamIíki (NMS-90) og hefur verið
keyptur til Stýrimannaskólans, en s.l. sumarfestu þeir
kaup á fiskveiðisamlíki, einnig frá Norcontrol, sem
var tekinn í notkun við Stýrimannaskólann í Þórshöfn
nú í haust.
Forsvarsmenn sjávarútvegs og siglinga hér á landi
(LÍU og SÍK) svo og samtök skipstjórnarmanna (FFSÍ)
og siglingamálastjóri, sem er formaður skólanefndar,
leggja mjög mikla áherslu á, að Stýrimannaskólinn í
Reykjavík verði búinn þessum tækjum og standi þar
með jafnfætis nágrannaþjóðunum í menntun far-
manna og fiskimanna.
Fulltrúar samtakanna og siglingamálastjóri rituðu í
þessu tilefni Ólafi Ragnari Grímssyni fjármálaráð-
herra sérstakt bréf og gengu síðan á fund hans í
sumar.
Fjármálaráðherra tók erindinu mjög vel og var
skömmu síðar gengið frá kaupum á siglingasamlík-
inum eins og Alþingi hafði heimilað, en ráðherra hét
því jafnframt, að unnið verði að kaupum fiskveiði-
samlíkis á næsta ári.
Með siglingasamlíkinuni og öllum þeim tækjum
sem fylgja honum og virka eins og um borð í skipi á
siglingu, á færni nemenda við raunverulegar
aðstæður að aukast til muna og þar með einnig öryggi
íslenskra sjómanna.
Gjöf til Bókasafns Sjómannaskólans
Kristján Aðalsteinsson fyrrv. skipstjóri á Gullfossi
og fleiri skipum Eimskipafélags íslands færði nýlega
Bókasafni Sjómannaskólans myndarlega bókagjöf.
í gjöf Kristjáns eru öll helstu sjómannablöð
landsins:
1. Sjómannablaðið Víkingur frá upphafi og til dags-
ins í dag, þar af eru 42 fyrstu árgangarnir (1939-
1980) í vönduðu skinnbandi.
2. Sjómannadagsblaðið frá byrjun, þar af 35 fyrstu
árgangarnir (1938-1972) í vönduðu skinnbandi.
3. Sjómannadagsblað Vestmannaeyja frá byrjun til
dagsins í dag, þar af 28 fyrstu árgangarnir (1951-
1978) í skinnbandi.
4. Sjómaðurinn, (útg. Sjómannafélag Reykjavíkur)
1.-10. árg. (1953-1963) í einu skinnbandi.
5. Sjómaðurinn, 1.-3. árg. (1939-1941) auk ára-
móta- og jólablaðs 1943 í einu skinnbandi.
6. Hrafnista (útg. Fjársöfnunarnefnd DAS) 1.—2. árg.
(1948—1949) í einu skinnbandi.
7. Blik- Ársrit Vestmannaeyja - 7 árgangar.
Auk þess mjög fallegt mastur til flaggmerkjagjafa
ættað frá Leningrad.
Þetta er verðmæt gjöf en fyrstu árgangar sjómanna-
blaðanna eru algjörlega ófáanlegir. Bókagjöfin mun
styrkja mjög Bókasafn Sjómannaskólans, sem var
opnað fyrr á árinu og er til húsa í rishæð Sjómanna-
skólans. Það er nú þegar mikið notað af nemendum
og kennurum Stýrimannaskólans og Vélskóla íslands.
Kristján Aðalsteinsson er fæddur 30. júní árið 1906
í Haukadal við Dýrafjörð en ólst upp í Keldudal, sem
er utar í firðinum. Hann hóf kornungur sjómennsku
árið 1921 á Pilot frá Bíldudal, síðar sigldi hann sem
háseti á Willemoes, Lagarfossi og dönskum skipum.
Árið 1932 lauk Kristján farmannaprófi frá Stýri-
mannaskólanum í Reykjavík. Frá 1935 til 1953 var
hann stýrimaður og skipstjóri í afleysingum á skipum
Eimskipafélagsins, en frá árinu 1953 fastráðinn skip-
stjóri.
Árið 1958 tók Kristján við skipstjórn á flaggskipi
íslenska verslunarflotans, farþegaskipinu Gullfossi,
og var skipstjóri með skipið þar til það var selt úr
landi árið 1973.
Kristján var alla tíð afburða farsæll og stjórnsamur
skipstjóri og mikill sjómaður.
Hann var forseti Farmanna- og fiskimannasam-
bands íslands 1961-1963.
Et'tir að Kristján hætti sjómennsku var hann í mörg
ár starfsmaður Alþingis. Um árabil var hann formaður
skólanefndar Stýrimannaskólans í Reykjavík og var
þar tillögu- og úrræðagóður. Kona hans er Bára
Ólafsdóttir og er dóttir þeirra Erna lyfjafræðingur.
Fyrir hönd Bókasafns Sjómannaskólans þakka skóla-
stjórar Sjómannaskólans Kristjáni Aðalsteinssyni
þessa góðu gjöf, sem ber vitni um höfðingsskap hans
og reisn. Þetta er kærkominn og mjög gagnlegur
fengur fyrir Bókasafn Sjómannaskólans, sem mun
verða nemendum skólanna, kennurum og öðrum
safngestum til góðra nota.