Ægir - 01.09.1992, Síða 10

450
ÆGIR
9/92
Að lokum er fróðlegt að líta á samspil sílis - þorsks
- sela. Síli er ekki veitt við ísland svo heitið geti, en
það er mjög mikilvæg fæða fyrir seli, hvali og sjó-
fugla. Auk þess sem þorskur og aðrir fiskar éta það í
miklum mæli. Selir og þorskar eru í samkeppni um
sílið. Fjölgun í selastofnunum veldur að öllum líkind-
um minnkun á sílisstofninum og magni sílis sem
þorskurinn getur náð í. Þetta kæmi niður á þorskveið-
unum ef selirnir leystu ekki málið frá sínum bæjar-
dyrum séð með því að éta samkeppnisaðila þorsk-
anna. Þetta skaðar þorskveiðarnar náttúrulega mikið.
Hér hefur þó náttúran gefið tóninn til lausnar vand-
ræðum þeim sem selir og önnur sjávarspendýr valda.
„Þú skal éta þá sem eru í samkeppni við þig um
fæðuna."
Það er erfitt að meta nákvæmlega áhrif afráns sela
á veiðar nytjastofna. Fjölstofnalíkön og fjölstofna-
rannsóknir eru nauðsynlegar í þessu sambandi. Öfl-
un gagna svo slík líkanasmíði sé möguleg er dýr og
tekur tíma. En ef svara skal þeim spurningum sem al-
menningur og sjómenn spyrja um þessar mundir
þarf að beita fjölstofnalíkönum sem tengja saman
sjávarspendýrin, nytjafiskana og fiskveiðarnar
(7. mynd).
5. mynd
Útbreiðsla útsels. Tveir aðalstofnar finnast í Norður-Atlantshafi. Vesturstofn, sem
kæpir í janúar til mars, og austurstofn sem kæpir í september til desember.
Athyglisvert er að Eystrasaltsstofninn kæpir á sama tíma og vesturstofninn.