Tímarit lögfræðinga - 01.01.1969, Qupperneq 69

UM „FJÖLMÆLI",
DOKTORSRITGERÐ
GUNNARS THORODDSEN
SENDIHERRA
Dr. Þórður Eyjólfsson var annar andmælenda við doktors-
vörn Gunnars Thoroddsen .sendiherra, er fram fór 24. febrúar
1968. Hinn andmælandinn var Ármann Snævarr háskólarektor.
Sökum anna hefur hann ekki getað gengið frá umsögn sinni til
birtingar, en tilætlunin var að láta báðar umsagnirnar birtast
í þessu hefti.
Þegar ég fékk ritið Fjölmæli í hendur á síðastliðnu ári,
var efni þess ekki að öllu leyti nýtt fyrir mér, því að á
sínum tíma hafði ég. lesið hina fjölrituðu ritgerð doktors-
efnis „Um æruna og vernd hennar“. Nú hefur höfundur
umritað þetta eldra verk sitt, breytt því og aukið við það
að miklum mun, svo að telja má, að hér sé nýtt og sjálf-
stætt verk fram komið. Ég get þegar í upphafi lýst því,
að lestur bókarinnar hefur orðið mér ánægjuefni. Með
henni hefur okkar fáskrúðugu lagabókmenntum bætzt
vandað og vel unnið verk, sem lengi mun verða höfuðrit
í sinni grein hér á landi. Fjöhnæli hafa bæði að fornu og
nýju komið mjög við sögu íslenzkrar löggjafar og laga-
framkvæmdar. Til þess liggja vitanlega þau rök, að of-
mælt orð hafa löngum raskað mikilsverðum og viðkvæm-
um rétti manna og stundum dregið langan slóða, eins
og frægt er af frásögum. Mannorð og æra hafa frá fyrstu
tíð notið lagaverndar hér á landi, eins og í öðrum menn-
ingarlöndum. Það er því mikilsvert, að kannaðar séu og
Timarit lögfræðinga
63