Tímarit lögfræðinga - 01.07.1974, Qupperneq 55

STOFNUN RÍKISSTARFSMANNADEILDAR
Á framhaldsaðalfundi Lögfræðingafélagsins, sem haldinn var á Hótel Loft-
leiðum 24. janúar s.l., var samþykkt breyting á félagslögum. Var bætt í lögin
sérstökum kafla um félagsdeildir. Felst í þessari breytingu, að stofnuð hefur
verið ríkisstarfsmannadeild til að fara með kjaramál. Heimilt er að stofna
fleiri deildir. Þessi lagabreyting var eina dagskrármálið á framhaldsaðal-
fundinum, og urðu um hana nokkrar umræður. Að lokum var hún samþykkt
samhljóða.
Aðalfundur hinnar nýstofnuðu ríkisstarfsmannadeildar var haldinn í Lög-
bergi 25. febrúar s.l. Formaður félagsins ræddi þar hið nýja skipulag þess,
en Magnús Thoroddsen, sem þá hafði tekið við formannsstörfum í samn-
inganefnd við fjármálaráðuneytið, gerði grein fyrir samningaviðræðunum. Þá
var kosin stjórn og ný samninganefnd. í stjórn ríkisstarfsmannadeildar voru
kosnir: Stefán Már Stefánsson (formaður), Valtýr Sigurðsson og Jón Thors.
Varamaður var kosinn Ólafur Björgúlfsson. í samninganefnd vegna sérsamn-
inga við fjármálaráðuneytið vegna laga nr. 46/1973 voru kosnir: Magnús
Thoroddsen, Friðgeir Björnsson, Þórhallur Einarsson, Jón Thors, Þorleifur
Pálsson, Kristinn Ólafsson og Ólafur Björgúlfsson. Til vara: Jakob V. Hav-
steen, Axel V. Tulinius, Már Pétursson, Jón Ingimarsson og Axel Ólafsson.
Eins og getið hefur verið um hér í tímaritinu, m. a. í 3. hefti 1973 bls. 32,
hafa nokkrir skipulagserfiðleikar orðið vegna laga nr. 46/1973. M. a. var
stofnað Félag háskólamenntaðra starfsmanna stjórnarráðsins. Eins og fram
kemur í frétt um BHM í 4. hefti 1973 fannst lausn á þeim vanda, er þetta
skapaði, og hafa stjórnarráðsmenn starfað í samninganefnd Lögfræðinga-
félagsins. Sýslumenn, ráðuneytisstjórar og nokkrir aðrir lögfræðingar vildu
ekki, að laun þeirra og önnur kjör yrðu ákveðin með samningum eftir lögum
nr. 46/1973; og sögðu sumir þeirra sig úr Lögfræðingafélaginu af þeim sök-
um. Eftir stofnun ríkisstarfsmannadeiidarinnar er unnt að vera í félaginu, en
vera þó utan kjarasamningakerfisins. Með bréfi 17. apríl s.l. tilkynnti for-
maður Sýslumannafélags íslands, að stjórn þess félags hefði 5. apríl sam-
þykkt að mæla með því við félagsmenn, að þeir væru félagar í Lögfræðinga-
félaginu. — Um störf ríkisstarfsmannadeildar ræðir í öðrum fréttagreinum
hér í heftinu. Þór Vilhjálmsson
ÞRÍR FRÆÐAFUNDIR
Skaðabætur utan samninga í flutningarétti nefndist fyrirlestur, sem Páll Sig-
urðsson dósent flutti á fræðafundi í Lögfræðingafélaginu 4. febrúar s.l. Að
erindinu loknu urðu umræður, og tóku þá til máls: Bjarni K. Bjarnason borgar-
dómari, Valgarð Briem hrl., Már Pétursson héraðsdómari og Þór Vilhjálms-
son prófessor.
Umboðsmaður Alþingis kallaðist fyrirlestur, sem Sigurður Gizurarson hrl.
flutti á fræðafundi 21. febrúar, en Sigurður vann að samningu frumvarps um
þetta efni, sem lagt var fram á síðasta Alþingi. I umræðum um erindið tóku
þátt: Páll S. Pálsson hrl., Jónatan Þórmundsson prófessor, Þór Vilhjálmsson
prófessor, Hrafn Bragason borgardómari, Tómas Gunnarsson hrl. og Björn
Þ. Guðmundsson borgardómari.
49