Tímarit lögfræðinga - 01.12.1977, Blaðsíða 42

Ávíð
02 dreif
FRÁ DÓMARAFÉLAGI REYKJAVÍKUR
Á aðalfundi félagsins 23. nóvember 1977 voru eftirtaldir menn kosnir í
stjórn þess:
Aðalmenn:
Már Pétursson héraðsdómari, formaður.
Magnús Thoroddsen borgardómari, gjaldkeri.
Sigurður Sveinsson borgarfógeti, ritari.
Bragi Steinarsson saksóknari.
Jón A. Ólafsson sakadómari.
Varamenn:
Auður Þorbergsdóttir, borgardómari.
Steingrímur Gautur Kristjánsson, héraðsdómari.
Á aðalfundinum var samþykkt svofelld ályktun:
„Aðalfundur Dómarafélags Reykjavíkur, haldinn 23. nóvember 1977, beinir
því eindregið til Alþingis og ríkisstjórnar, að ekki verði látið staðar numið
við þá endurskoðun í dóms- og réttarfarsmálefnum, sem hófst með setningu
laga á síðasta ári um breytta meðferð opinberra mála og um rannsóknarlög-
reglu ríkisins. Skorar fundurinn í því sambandi á dómsmálaráðherra að halda
áfram endurskipulagningu á meðferð dómsmála f landinu.
Við nauðsynlega frekari endurskoðun á réttarfarsmálum leggur Dómara-
félag Reykjavíkur höfuðáherslu á eftirtalin 3 atriði, sem það telur horfa til
aukins réttaröryggis í landinu:
1. Staða dómsvaldsins sem eins þriggja höfuðþátta ríkisvaldsins verði efld.
M.a. verði fjárhagslegt sjálfstæði dómsvaldsins tryggt betur en verið hefur.
Ennfremur verði séð til þess að dómendur njóti kjara, sem tryggi að þeir geti
óskiptir helgað sig starfi sínu og verið óháðir.
2. Athugaðar verði gaumgæfilega tillögur og ábendingar, sem fram hafa
komið á síðustu árum frá samtökum dómara og öðrum um greiðari meðferð
dómsmála. Verði m.a. stefnt að því að draga úr skriffinnsku við meðferð
einfaldari mála.
3. Stefnt verði að frekari aðskilnaði dómsvalds og framkvæmdavalds.
Að lokum fagnar aðalfundurinn ályktun Alþingis frá 29. apríl 1977 um bygg-
ingu dómhúss í Reykjavík, sem ætíð hefur verið baráttumál Dómarafélags
Reykjavíkur. Skorar fundurinn á ríkisstjórnina að hefjast þegar handa um
undirbúning að byggingu slíks húss og heitir liðsinni og samvinnu af hálfu
félagsins við framkvæmd málsins."
Stjórn félagsins hefur boðað til fundar 8. febrúar á Hótel Loftleiðum um hið
nýja frumvarp til gjaldþrotalaga. Verður fundurinn haldinn í samvinnnu við
204