Tímarit lögfræðinga - 01.03.1979, Blaðsíða 16
verið birt í A-deild Stjórnartíðinda auglýsing um skipun og skipting
starfa ráðherra o.fl. undirrituð af forsætisráðherra og ráðuneytis-
stjóra forsætisráðuneytisins. Eldri hátturinn, þ.e. birting forsetaúr-
skurðarins, er tvímælalaust réttai’i.
4. STJÓRNARATHAFNIR
Starfsstjórnir hafa lagt margvísleg lagafrumvörp fyrir Alþingi, gefið
út bráðabirgðalög, staðið að samningsgerð við önnur ríki, veitt embætti,
náðað menn eða veitt uppreist æru, gefið út reglugerðir og staðið að
margvíslegum öðrum embættisverkum. Verður nú leitast við að rekja
þessar stjórnarathafnir með því að nefna dæmi um þær.
a) Framlagning lagafrumvarpa.
Haustið 1944 lagði starfsstjórn dr. Björns Þórðarsonar fram á Al-
þingi: Frv. til laga um breyting á ljósmæðralögum nr. 17 19. júní
1938. Frv. til laga um manneldisráð. Frv. til laga um stofnun prófessors-
embættis í heilbrigðisfræði í læknadeild Háskóla Islands. Frv. til laga
um breyting á lögum nr. 50 27. júní 1941 um gjaldeyrisvarasjóð og
eftirlit með erlendum lántökum. Frv. til laga um heimild til að inn-
heimta skemmtanaskatt með viðauka fyrir árið 1945. Frv. til laga um
viðauka við 1. nr. 122 30. desember 1943 um heimild fyrir ríkisstjórn-
ina og ríkisstofnanir til að greiða eftirlaun, er sérstaklega stendur á
um. Voru öll frumvörpin samþykkt á þinginu nema það síðastnefnda,
sem ekki varð útrætt. Þá lagði stjórnin fram frumvarp til fjárlaga
1945, sem getið verður síðar.
1 stuttu máli má segja, að öll þessi frumvörp, fyrir utan fjárlögin,
hafi verið þess eðlis, að í þeim hafi ekki falist pólitísk stefnumörkun.
Voru þau flutt að tillögu embættismanna, á grundvelli tillagna nefnda
eða til að framlengja gildi laga, sem áður höfðu verið samþykkt. Und-
antekningu má gera um gjaldeyrisvarasjóðinn, en það frumvarp var
rökstutt með því, að eðlilegt væri að leysa Landsbankann undan þeim
skyldum að leggja andvirði 12 milljóna króna í gjaldeyrisvarasjóð, á
meðan bankinn ætti „andvirði hundruð milljóna króna í erlendum gjald-
eyri“.
Á tæplega 4 mánaða ferli sínum (frá því 10. október 1946 til 4.
febrúar 1947) lagði starfsstjórn Ólafs Thors mörg frumvörp fyrir
Alþingi, þessi: Frv. til laga um heimild fyrir ríkisstjórnina til að inn-
heimta skemmtanaskatt með viðauka fyrir árið 1947. Frv. til laga um
breyting á lögum nr. 98 9. júlí 1941, um heimild fyrir ríkisstjórnina
10