Tímarit lögfræðinga - 01.03.1979, Blaðsíða 25
Thors lausnarbeiðni fyrir sig og ráðuneyti sitt fyrir forseta utan ríkis-
ráðsfundar. Gerðist það kl. 10 árdegis, en kl. 18.00 samdægurs var efnt
til ríkisráðsfundar, þar sem forseti endurstaðfesti lausnarbeiðnina. 1
lok ríkisráðsfundarins var síðan borin upp tillaga um þingrof og al-
mennar kosningar til Alþingis. Um leið og forseti samþykkti tillöguna
mælti hann á þessa leið: „Ég felst á tillögu starfandi forsætisráðherra,
Ólafs Thors, um að Alþingi verði rofið frá 24. júní n.k. að telja, og
óska jafnframt bókað, að ég hef fullvissað mig um í viðtölum við for-
menn Sjálfstæðisflokksins, Framsóknarflokksins og Alþýðuflokksins,
að meirihluta Alþingis er tillögunni samþykkur.“ 1 yfirlýsingu forsæt-
isráðherra af þessu tilefni á Alþingi kemur fram, að forseti hafði átt
viðræður við formenn allra þingflokka.
28. mars 1956 var gefið út forsetabréf um þinglausnir.
24. júlí 1974 var gefið út forsetabréf um að forseti hafi ákveðið
samkvæmt 37. grein stjórnarskrárinnar, að Alþingi skuli koma saman
á Þingvöllum mánudaginn 28. júlí 1974, þ.e. vegna 1100 ára afmælis
Islandsbyggðar.
f) Samningar við önnur ríki.
Starfsstjórnir hafa staðið að margvíslegum samskiptum við önnur
ríki. Hér verður drepið á nokkur dæmi um formlega gjörninga án þess
að víst sé að um tæmandi talningu sé að ræða:
12. október 1944 var samkomulag gert við Bretland um afhendingu
Reykjavíkurflugvallar til íslendinga.
9. desember 1946 var birt auglýsing um, að ísland hafi gengið að
sáttmála hinna Sameinuðu þjóða. Sagt er, að samkvæmt heimild í
ályktun Alþingis frá 25. júlí 1946 hafi Island 19. nóvember 1946 (þ.e.
á tíma starfsstjórnarinnar) gengið að sáttmálanum.
12. nóvember 1949 var birt auglýsing um viðskiptasamning milli
íslands og Frakklands á grundvelli samningsviðræðna, sem fram höfðu
farið í París. Gildistími samningsins var frá 5. október 1949 til 30.
september 1950.
18. nóvember 1949 var undirritaður viðskiptasamningur við Pólland.
29. nóvember 1949 var samkomulag gert við ríkisstjórn Hollands
um afnám vegabréfsáritana fyrir íslenska ríkisborgara, sem ferðast
vilja til Hollands, og gagnkvæmt, enda verði ekki um lengri en 3 mán-
aða dvöl að ræða.
10. mars 1950 var birt auglýsing um þátttöku íslands í Evrópuráð-
inu. Vísað er til þess, að Alþingi hafi 7. febrúar 1950 samþykkt þings-
ályktun um aðild fslands að ráðinu (en hún var flutt af starfsstjórn,
19