Tímarit lögfræðinga - 01.03.1979, Síða 24
synlegt til þess að hægt væri að stunda þennan atvinnurekstur að
heimila framleiðslusjóði með lögum að hlaupa undir bagga í þessari
atvinnugrein á sama hátt og gert væri um aðrar útflutningsvörur.
Sjávarútvegsráðherra hinnar nýju stjórnar flutti framsögu fyrir mál-
inu á þingi. f ræðu ráðherrans kom fram, að fleiri breytingar hefðu
verið gerðar með brbl. á lögunum um framleiðslusjóð og kæmu þær
síðar til umræðu í þinginu. Var frv. síðan afgreitt samhljóða og um-
ræðulaust til nefndar, en kom aldrei þaðan og vai’ð því ekki útrætt.
Starfsstjórn Geirs Hallgrímssonar, sem sat frá 27. júní til 1. septem-
ber 1978, stóð að einum bráðabirgðalögum, sem gefin voru út að tillögu
heilbrigðis- og tryggingamálaráðherra 30. júní 1978, um breyting á
lögum nr. 67 1971 um almannatryggingar, sbr. lög nr. 96 1971, nr. 112
1972, nr. 62 1974, nr. 13 1975, nr. 36 1976 og nr. 68 1977. Lögin eru um
upphæð tekj utryggingar og sett í samræmi við ákvörðun ríkisstjórn-
arinnar til þess að greiða fyrir samkomulagi um lífeyrismál sem heild-
arlausn í þeim kjarasamningum, sem undirritaðir voru þann 22. júní
1977, þannig að sú hækkun lífeyrisgreiðslna, sem leiðir af því sam-
komulagi, valdi yfirleitt ekki lækkun tekjutryggingargreiðslna frá al-
mannatryggingum. Heilbrigðis- og tryggingamálaráðherra nýju stjórn-
arinnar lagði frumvarp til staðfestingar á bráðabirgðalögunum fram
á Alþingi.
e) Forsetaúrskurðir.
Eftir því sem séð verður, hafa verið gefin út 6 forsetabréf í tíð
starfsstjórna frá 1944. Þá hefur reglugerð Háskóla Islands verið
breytt í tíð starfsstjórna, en til þess þarf samþykki forseta.
Forsetabréfin eru þessi:
21. september 1944 um breyting á ríkisstjóraúrskurði 16. desember
1942 um skipan og skipting starfa ráðherra o.fl., þ.e. vegna lausnar-
beiðni Einars Arnórssonar.
8. nóvember 1949 var gefið út forsetabréf um að reglulegt Alþingi
1949 skuli koma saman til funda 14. nóv. 1949. Forsetabréfið var gefið
út á grundvelli brbl., sem sett voru 16. ágúst, þar sem mælt var fyrir
um það, að Alþingi skyldi í síðasta lagi koma saman 14. nóvember 1949.
29. nóvember 1949 var gefið út forsetabréf um breyting á forseta-
bréfi frá 11. júlí 1944 um hina íslensku fálkaorðu, þar sem heimilað
er að veita þjóðhöfðingjum annarra ríkja keðju ásamt stórkrossstjörnu
fálkaorðunnar.
27. mars 1956 var gefið út forsetabréf um þingrof og almennar kosn-
ingar til Alþingis 24. júní 1956. Eins og áður er getið, lagði Ólafur
18