Tímarit lögfræðinga - 01.03.1979, Blaðsíða 23
stjórnarsamstarfið og beðist lausnar strax áður en þing kom saman.
Því hafi hér verið „aðeins bráðabirgðastjórn“ við völd um það bil er
þingið kom saman.
Afgreiðsla fjárlagafrumvarpsins fyrir árið 1950 dróst fram yfir
allan starfstíma minnihlutastjórnar Sjálfstæðisflokksins, sem baðst
lausnar 2. mars 1950, og sat sem starfsstjórn til 14. mars 1950, en
fyrstu umræðu um fjárlagafrumvarpið var ekki fram haldið fyrr en
2. maí 1950 og það ekki samþykkt fyrr en 12. maí 1950.
I tíð starfsstjórna hefur sem ságt aldrei verið gengið frá afgreiðslu
fjárlagafrumvarps. Hafa stjórnarkreppur tafið mjög afgreiðslu fjár-
laga, eins og að framan greinir. Fjárlög 1959 voru t.d. ekki afgreidd
fyrr en 29. apríl 1959 vegna stjórnarskiptanna, sem urðu 23. desem-
ber 1958, en frumvarp til fjárlaga var lagt fram á fyrsta fundi í sam-
einuðu þingi 13. október 1958 og fyrsta umræða fór fram 20. október,
en varð ekki lokið fyrr en 20. apríl 1959.
d) Bráðabirgðalög.
Eins og sést af yfirlitinu yfir lagafrumvörp, lagði starfsstjórn
Stefáns Jóhanns Stefánssonar fram á Alþingi haustið 1949 bráða-
birgðalög sín til staðfestingar. Hvílir skyldan til þess að leggja fram
bráðabirgðalög á Alþingi að sjálfsögðu jafnt á starfsstjórn sem skip-
aðri ríkisstjórn. Starfsstjórnir hafa talið sér heimilt að gefa út bráða-
birgðalög á grundvelli 28. gr. stjórnarskrárinnar.
Starfsstjórn Ólafs Thors, sem sat frá 27. mars 1956 til 24. júlí 1956,
stóð að þremur bráðabirgðalögum, þessum: 26. maí 1956 brbl. um breyt-
ing á lögum um kosningar til Alþingis nr. 80 7. september 1942, þ.e.
um frestun á utankjörfundaratkvæðagreiðslu við alþingiskosningar 24.
júní 1956 vegna ágreinings um gildi framlagðra landslista. Voru lögin
samþykkt af þinginu, umræður urðu engar, en framsögumenn allsherj-
arnefnda beggja deilda lögðu til við 2. umr. í deildum, að lögin yrðu
samþykkt. — 18. júní 1956 brbl. um heimild fyrir ríkisstjórnina til að
ábyrgjast lán til togarakaupa fyrir Bæjarútgerð Reykjavíkur. Brbl.
voru útgefin vegna þess, að BÚR skorti ríkisábyrgð vegna láns til
smíði á nýjum togara í stað b.v. Jóns Baldvinssonar, er fórst 1955.
Voru lögin samþykkt samhljóða á Alþingi. Fjármálaráðherra gerði um
þau tillögu, en hann var sá sami í starfsstjórninni og þeirri ríkisstjórn,
sem tók við af henni, og var flutningsmaður laganna á þingi. — 21. júní
1956 brbl. um breyting á lögum nr. 4 31. janúar 1956 um framleiðslu-
sjóð. Lögin voru gefin út að tillögu forsætisráðherra sökum aukins
framleiðslukostnaðar við veiði, verkun og vinnslu síldar. Var sagt nauð-
17