Tímarit lögfræðinga - 01.03.1979, Blaðsíða 22
jafnframt haldið áfram afgreiðslu á hinum ýmsu greinum frumvarps-
ins.“
Helgi Jónasson gerði athugasemd við ræðu Gísla og sagði m.a. (Alþt.
1946, B 390): „Framsögumaður fjárveitinganefndar gat þess, að það
væri út af því, hvernig ástatt væri í stjórnmálunum, og því, að engin
stjórn var til til þess að taka við lögunum, hve seint þau eru á ferð-
inni. Þetta er ekki alls kostar rétt. Það er fleira, sem kemur til greina.
Ef afkoman væri eins glæsileg og framsögumaður gat um í sinni ræðu
í dag, held ég, að enginn vandi væri að ganga frá fjárlögunum . . .”
Pétur Ottesen þingmaður Borgfirðinga vék einnig að ummælum Gísla
Jónssonar í ræðu og sagði m.a. (Alþt. 1946, B 393): „En það voru
vissulega fleiri sem vildu, að takast hefði mátt að afgreiða þessi fjárlög
eins og gert er ráð fyrir í stjómarskránni, þannig að hægt væri að
hefja greiðslu samkvæmt þeim strax um nýár. Háttvirtur framsögu-
maður stóð vissulega ekki einn um þessa afstöðu. En hvað var hér að
gera, hvernig átti að ganga frá fjárlögum áður en stjórnarkreppan
var leyst? Ég sé ekki, að þess hafi verið neinn kostur og þess vegna
varð að taka afleiðingunum af því, hve langan tíma það tók að koma
á starfhæfri ríkisstjórn á Alþingi."
Gísli Jónsson svaraði (Alþt. 1946 B 399) : „ . .. Ég tel að þingflokk-
arnir verði að bera ábyi'gð á gerðum Alþingis og þá ekki hvað síst
fjárlögunum, og ég skil ekki, að þingmaður Borgfirðinga láti það
nokkru ráða um sitt atkvæði í svona málum, hvaða ríkisstjórn situr.
Ríkisstjórn er aðeins fi'amkvæmdavald, og það er vilji meiri hluta
Alþingis, sem hún á að framkvæma. Það má líka benda á það, að hér
voru afgreidd fjárlög eins og venjulega þegar utanþingsstjórn var
við völd ...“
Fiárlögin voru ekki samþykkt fyrr en 27. apríl 1947.
Fjárlagafrumvarpi fyrir árið 1950 var útbýtt af starfsstjórn Stefáns
Jóhanns Stefánssonar 29. nóvember 1949, en þing kom saman 14. nóv-
ember. Fyrsta umræða um það fór ekki fram fyrr en 20. desember
1949, og var þá kominn nýr fjármálaráðherra í minnihlutastjórn Sjálf-
stæðisflokksins. Fjárveitinganefnd byrjaði ekki að athuga málið, fyrr
en að lokinni fyrstu umræðu. í umræðum kemur fram hjá Helga Jónas-
syni, að hann telji það eðlilegt, að fyrrverandi fjármálaráðherra lagði
frumvarpið fram í þingbyrjun og fylgdi því úr hlaði (Alþt. 1949 B
720). Björn Ólafsson fjármálaráðherra sagðist geta tekið undir um-
mæli Helga um, að fjárlagafrumvarpið hefði átt að leggja fram þegar
í upphafi þings. En sérstaklega hafi staðið á, er þing kom saman,
því verði ekki neitað. Ráðherrar Framsóknarflokksins hefðu rofið
16