Tímarit lögfræðinga - 01.09.1997, Side 15

7. SAMANBURÐUR BÓTAKERFANNA f HEILD SINNI
I útreikningi á dæmum lögmannanna er einungis borið saman fjártjón vegna
metinnar örorku í eldra og yngra bótakerfi. I erindi allsherjarnefndar Alþingis
var hins vegar einnig óskað eftir samanburði á heildarfjárhæð bóta í eldra og
yngra bótakerfi. Koma þar einkum til álita miskabætur og greiðslur frá þriðja
manni til viðbótar framangreindum samanburði um fjártjón.
Áður er fram komið að varanlegur miski í yngra kerfinu er bættur á grundvelli
læknisfræðilegs örorkumats með 40.840 kr. fyrir hvert örorkustig (júní 1994).
Að framan er einnig lýst könnun hæstaréttardóma og þeirri niðurstöðu, að hvert
örorkustig samkvæmt eldri reglum hafi að jafnaði verið bætt með 35.000 kr. í
miskabætur miðað við sama tíma. Auk bóta fyrir varanlegan miska skv. 4. gr.
greiðast þjáningabætur skv. 3. gr. laganna fyrir tímabilið frá því tjón varð þar til
ekki er að vænta frekari bata. Þegar skýrslan var samin var nánast engin reynsla
komin á framkvæmd laganna varðandi ákvörðun þjáningabóta. Var því látið við
það sitja að áætla þjáningabætur með því að miða við að þær svöruðu 15% af
bótum fyrir varanlegan miska. Tekið var fram, að ónákvæmni í mati á þessum
þætti hefði þó óveruleg áhrif á niðurstöður samanburðarins. Þessi 15% vega 3
- 5% af útreiknuðum bótum skv. skaðabótalögum, sbr. töflu 3.
Á grundvelli allra framangreindra forsendna var settur fram heildarsaman-
burður á bótagreiðslum fyrir fjártjón og miska til þjónþola samkvæmt eldra
kerfi annars vegar og skaðabótalögunum hins vegar. Enn var stuðst við dæmin
7 og forsendur sem þar voru gefnar. Niðurstaða var sú sem kemur fram í þessari
töflu:
Nefnd til skoðunar á Tafla SAMANBURÐUR Á BÓTAGREIÐSLUM
Skaðabótalögunum 3 HINS BÓTASKYLDA TIL TJÓNÞOLA
VEGNA FIÁRTJÓNS OG MISKA
í ELDRA OG YNGRA BÓTAKERFI
ÁN TILLITS TIL HUGSANLEGRA BÓTA FRÁ 3JA MANNI
UPPHÆÐIR í ÞÚSUNDUM KRÓNA
Dæmi 1 2 3 4 5 6 7
Aldur 25 35 45 30 40 50 25
Örorku - % 25 30 40 10 5 20 100
Mánaðarlaun fyrir slys 120 90 150 100 135 200 150
Árslaun 1.440 1.080 1.800 1.200 1.620 2.400 1.800
Skerðing árslauna samkvæmt örorku - % 360 324 720 120 81 480 1.800
155