Tímarit lögfræðinga - 01.09.1997, Qupperneq 49

atvinnuvegum. í fimmta hluta er fjallað um efnahagsmál, eftirlit með samn-
ingum, samkeppnisreglur o.fl. í sjötta hluta bókarinnar birtast skjöl er varða
þróun mála í samskiptum EB og EFTA á árinu 1989 og í síðasta hluta
bókarinnar er áfangaskýrsla Evrópustefnunefndar birt. Aftast er að finna
skammstafanaskrá.
Gunnar G. Schram. Evrópubandalagið. Háskólaútgáfan. 1990. 202 bls. Verð: 3.450
kr.
í bókinni Evrópubandalagið er gerð grein fyrir uppbyggingu þess, eins og það
var árið 1990. Fjallað er um aðdragandann að stofnun EB, gerð er grein fyrir
stofnunum EB, stefnu og starfsemi þess, innri markaði EB, samstarfi EB og
EFTA og samskiptum Islands og EB. Heimildaskrá og atriðisorðaskrá fylgja,
sem og upplýsingar um framkvæmdastjóm EB 1989-1992 og ýmsar tölulegar
upplýsingar.
Ketill Sigurjónsson. Hin sameiginlega sjávarútvegsstefna Evrópubandalagsins.
Alþjóðamálastofium Háskóla Islands. 1991. 88 bls. Verð: 1.935 kr.
Ketill Sigurjónsson lögfræðingur fjallar um hina sameiginlegu sjávar-
útvegsstefnu Evrópubandalagsins í samnefndri bók sinni. Er þar fjallað um
sjávarútveg og EB, hina sameiginlegu sjávarútvegsstefnu EB, þ.e. lagagrund-
völl, ákvarðanatöku, valdframsal ráðsins, sögulegan aðdraganda stefnunnar og
meginatriði hennar, fiskveiðistjórnun EB og loks er fjallað um ísland og hina
sameiginlegu sjávarútvegsstefnu EB.
Stefán Már Stefánsson. Evrópuréttur - Réttarreglur og stofnanir Efnahagsbanda-
lagsins. Iðunn. 1991. 392 bls. Verð: 5.910 kr.
Margt hefur breyst innan Evrópusambandsins og í samskiptum íslands við
ESB frá útgáfu bókar Stefáns Más Stefánssonar prófessors um Evrópurétt.
Bókin, sem er mikil að vöxtum, hefur að geyma ítarlegar upplýsingar um rétt
Evrópubandalagsins, eins og það hét á þeim tíma, og er þar lýst réttarkerfi EB
og lagaáhrifum EB-reglna. Þá er stofnunum EB lýst, hvernig ákvarðanatöku
þeirra er háttað og þeim efnisreglum sem þeim og aðildarríkjunum ber að
fylgja. Bókin skiptist í 28 kafla og er víða komið við. Fjallað er m.a. um áhrif
þjóðréttarsamninga, réttarheimildir EB-réttar, lögmætisregluna, markmið Rómar-
samningsins, ítarleg umfjöllun er um kjarna bandalagsins; fjórfrelsið, sam-
keppnisreglur o.fl. og ítarlega er fjallað um dómstól EB. Þrátt fyrir umtalsverða
þróun Evrópuréttar á síðustu árum eru margir hlutar bókarinnar enn í fullu gildi
og ritið stendur því enn undir nafni sem undirstöðurit í íslenskri lögfræði á sviði
Evrópuréttar. Þá eykur það gildi bókarinnar að þar er að finna, auk hefð-
bundinna skráa, Rómarsamninginn í íslenskri þýðingu.
189