Ægir - 01.12.1997, Page 36

„Hef trú á að margir
skipaeigendur fari að
huga að endurnýjun“
- segir Agúst Þór Guðbergsson, framkvœmdastjóri
Skipa- og vélatœkni ehf. í Keflavík
M'ér finnst þróunin í skipunum
vera öll íþá átt að auka gœðin
á aflanum, bœði með betri skipum,
auknum stöðugleika og betri aðstöðu
fyrir áhöfnina," segir Ágúst Þór Guð-
bergsson, framkvcemdastjóri Skipa-
og vélatœkni ehf. í Keflavík en fyrir-
tœkið er alliliða fyrirtœki á sviði
skipaverkfrœði og hefur verið rekið í
Keflavík fráþví árið 1989.
Ágúst Þór segir auðsjáanlegt að hjá
útgerðinni hafi á undanförnum árum
farið miklir fjármunir í kvótaviðskipti
og fyrirtækin reynt þannig að halda
sjó í kvótastöðu á samdráttarskeiðinu.
„Þessir fjármunir hefðu ella farið í
viðhald skipanna eða framkvæmdir af
öðru tagi þannig að það eru mörg
dæmi um að viðhalds- og endurnýjun-
arþátturinn hefur þurft að mæta af-
gangi. En höfum ekki þurft að kvarta
yfir verkefnaleysi því það er nóg að
gera og góð verkefni framundan," seg-
ir Ágúst Þór.
Endurnýjunarreglurnar
hafa verið óheppilegar
Skipa- og vélatækni ehf. hefur sinnt
mörgum verkefnum fyrir Ósey í Hafn-
arfirði við breytingar á skipum.
Nýjasta skipið sem er í breytingum í
Hafnarfirði heitir Ásdís ST-37 og hefur
nánast verið byggt upp frá grunni.
Mikil umræða hefur verið um þá
þróun í skipaiðnaðinum, að ráðist sé í
svo stórvægilegar breytingar á skipum
að í raun hefði oft á tíðum verið ein-
faldara að smíða ný skip. Ágúst Þór
36 ÆGIR -------------------------
segir endurnýjunarreglurnar hafa ráð-
ið ferðinni í þessum efnum en hann
tekur undir að þetta sé ekki æskileg
þróun.
„Reglurnar ganga allar út frá kili
skips og ef hann helst óbreyttur þá
flokkast breytingar undir endurbætur.
Ef kjölur er endurnýjaður þá er það
nýsmíði en það er hægt að fara tölu-
vert langt niður í kjölinn áður en
breyting fer að flokkast undir nýsmíði.
Ég held að það sé miklu heillavæn-
legra fyrir okkur, horft til framtíðar, að
smíða frekar ný skip sem eru þá byggð
eftir þeim kröfum sem nútímaveiðar
gera til þeirra. Það þarf að mörgu að
hyggja þegar svona gömul skip eru
tekin og endurbyggð en óneitanlega er
það skemmtilegra fyrir alla aðila, jafnt
útgerðarmenn, skipasmíðastöðvarnar
og hönnuði að vinna með nýsmíði en
því miður stýra reglurn-
ar þessu, eða hafa gert
fram að þessu. Núna er
loksins búið að breyta
þeim."
-Hvað munu breytingar
á reglunum þýða?
„Ég tel að í framhaldinu
muni eigendur skipa
hugsa sér til hreyfings.
Þetta á kannski sérstak-
lega við tréskipaeigend-
urna þannig að ég gæti
trúað að við ættum eftir
að sjá töluverða nýsmíði
báta á komandi árum,"
segir Ágúst Þór.
Sækjast eftir
auknum gæðum aflans
Tveir tæknifræðingar vinna hjá fyrir-
tækinu, þ.e. Ágúst Þór og Vignir Dem-
usson, sem eru eigendur, en þriðji
starfsmaðurinn er Steinar Smári Guð-
bergsson, tækniteiknari. Auk þjón-
ustuverkefna fyrir útgerðina og skipa-
smíðastöðvar hefur Skipa- og véla-
tækni ehf. gert eigin teikningar af
minni skipum og gerir Ágúst Þór sér
vonir um að í smíði skips eða skipa
eftir þessari hönnun verði ráðist í nán-
ustu framtíð. Viðskiptavinirnir fyrir-
tækisins eru um allt land en stór hluti
þeirra er á suðvesturhorni landsins.
Aðspurður hvaða áherslur hann
skynji hjá útgerðarmönnum hvað
varðar skip nútímans segist Ágúst Þór
finna mikla áherslu á gæði aflans og
aðbúnað og vinnuaðstöðu áhafnar.
„Menn eru að leita eftir betri að-
stöðu. Þeir vilja stærri skip til að bæta
vinnslu og meðferð afla og bæta um
leið aðbúnað áhafnarinnar. Umhverfið
er þannig í dag að kvótastaðan er ljós
og því ekki sóknarmöguleikar í öðru en
auknum gæðum þess sem menn mega
veiða. Útgerðarmenn sækjast eftir betri
stöðugleika skipanna en það er þáttur
sem hefur áhrif á vinnuaðstöðuna um
borð og þar með meðferðina á aflan-
um," segir Ágúst Þór Guðbergsson.
Starfsmenn Skipa- og vélatœkni ehf. í Keflavík. Lenst til
vinstri er Steinar Smári Guðbergsson, tcekniteiknari, stand-
andi fyrir iniðju er Ágúst Þór Guðbergsson, frainkvceinda-
stjóri og við borðið er Vignir Demusson en þeir tveir síðar-
néfhdu eru eigendur fyrirtcekisins. Mynd: Víkurtréttir/Kefiavík