Ægir - 01.07.2000, Blaðsíða 15
HVALVEIÐAR - FRÉTTASKÝRING
Grundvallarmunur er á sjónarmiðum meðal fulltrúa
þeirra ríkja sem eru aðilar að Alþjóða hvalveiðiráðinu
hvort hefja skuli hvalveiðar að nýju. Ársfundur ráðsins,
sem nýlega er afstaðinn, skilaði ekki þeim árangri að
það sé handan við hornið að hvalveiðar hefjist að nýju.
Þetta er mat Kristínar Haraldsdóttur, lögfræðings í sjáv-
arútvegsráðuneytinu, en hún var annar tveggja áheyrn-
arfulltrúa íslendinga á ársfundi Alþjóða hvalveiðiráðsins
sem haldinn var í Adelaide í Ástralíu í byrjun júlí.
Fjölmörg málefni voru til umfjöllunar á
þessum fundi og sjónarmiðin mörg.
Kristín segir að margt hafi borið á góma,
meðal annars hafi Nýsjálendingar og
Astralíumenn lagt fram tillögu um grið-
arsvæði hvala í Suður-Kyrrahafi en sú til-
laga náði ekki í gegn. Þá var til umræðu
endurskoðað stjórnkerfi hvalveiða, en að
því verði komið á laggirnar er í raun for-
senda þess að hvalveiðibanninu verði
aflétt. Samstaða náðist ekki um málið og
vegur þar þyngst neikvæð afstaða áhrifa-
mikilla þjóða á borð við Breta, Nýsjá-
lendinga, Ástrala og Bandaríkjamanna,
en þrjá fjórðu hluta greiddra atvæða þarf
til þess að mál af þessum toga séu sam-
þykkt af Alþjóða hvalveiðiráðinu.
„Skeyta hvorki
um skömm né heiður"
En hverja telja t.d. stjórnmálamenn stöðu
hvalveiðimála Islendinga um þessar
mundir og er líklegt að veiðar verði hafn-
ar að nýju í náinni framtíð. Einar Kr.
Guðfinnsson, þingmaður Sjálfstæðis-
flokksins á Vestfjörðum og formaður
sjávarútvegsnefndar Alþingis, segist
aldrei hafa verið bjartsýnn á að hvalveiðar
verði hafnar að nýju fyrir tilstiili Alþjóða
hvalveiðiráðsins.
„Einstaka menn og þjóðir innan vé-
banda ráðsins eru á móti hvalveiðum og í
klókindaskyni er reynt að gera okkur
þetta jafn dýrt og andstyggilegt og hugs-
ast getur, meðal annars með því að koma
sífellt með meiri kröfur um tæknibúnað
og annað vegna veiðanna. Sumir skeyta
hvorki um skömm eða heiður og líta á
hvalina sem dekurdýr til þess að leika sér
við.“
Einar bendir á að fyrir rúmu einu ári
hafi Alþingi samþykkt þingsályktunar-
tillögu um að hefja hvalveiðar að nýju og
það við fyrsta hentugleik.
„Svigrúmið til þess að draga það að
hefja veiðarnar er ekki mikið og við verð-
um að hefjast handa sem fyrst,“ segir Ein-
ar, sem telur eðlilegt að veiðarnar verði
stundaðar í atvinnuskyni og að farið verði
Hvalskurður í ÓLafsfirói í þá gömlu góðu daga þegar hvalveiðar þóttu ekki tiltökumál? Eru hvaleiðar hér við land aðeins minningin ein
- eða von sem senn rætist?