Ægir - 01.07.2000, Blaðsíða 25
VIÐSKIPTI
Rafræn skráning verðbréfa hafin:
Hlutabréfin verða rafræn
- „auðvelt og hagkvæmt fyrir fyrirtæki að færa hlutabréf yfir í rafrænt form,"
segir Einar Sigurjónsson hjá Verðbréfaskráningu íslands
Nú í sumarbyrjun hófst rafræn útgáfa og
skráning verðbréfa hér á landi. Verðbréfa-
skráning Islands stendur að baki þessari
þjónustu og hefur undirbúningur staðið
um tveggja ára skeið. Einar Sigurjónsson,
framkvæmdastjóri Verðbréfaskráningar
Islands, telur að vöxtur eigi eftir að verða
mikill hér á landi í rafrænum verðbréfa-
viðskiptum.
„Fyrstu hlutabréfin sem skráð voru
með rafrænum hætti hjá okkur voru
hlutabréf Ossurar hf. og í kjölfarið fylgdu
ríkisverðbréf ýmis konar. Okkar hlutverk
er að halda á kerfisbundinn hátt utan um
rafræn viðskipti og allir þeir sem eiga raf-
ræn verðbréf eignast í raun rafrænan
verðbréfareikning hjá okkur og eini mun-
urinn á hinum hefðbundnu viðskiptum
er sá að að baki standa rafrænar færslur en
ekki pappírsmeðhöndlun með tilheyrandi
umstangi," segir Einar.
I sjávarútvegin-
um hefur orðið hröð
markaðsvæðing á
undanförnum árum
og þúsundum sam-
an eiga Islendingar
hlutabréf í sjávarút-
vegsfyrirtækjunum.
Einar telur að í
þessari atvinnu-
grein, líkt og öllum
öðrum, verði þróunin sú að pappírsbréfin
verði gerð ógild og í staðinn gefin út
svokölluð rafræn hlutabréf. En hvernig
gerist það að hlutabréf verði gerð ógild?
Einar segir þetta ferli í raun ofureinfalt.
Eftir að fyrirtæki hafi ákveðið að færa sín
hlutabréf yfir í rafrænt form hafi þau
samband við sína viðskiptabanka eða snúi
sér beint til Verðbréfaskráningar Islands
og gangi þannig frá áformum sínum um
rafræna skráningu. í kjölfarið eru síðan
gefnar út tilkynningar og auglýsingar um
að pappírshlutabréf í viðkomandi fyrir-
tæki verði ógild frá tilteknum degi og
þess í stað eignist viðkomandi hluthafar
rafræn hlutabréf.
„Þetta er í raun hagræði fyrir alla. Það
sparast kostnaður vegna útgáfu hluta-
bréfa og umstang vegna viðskipta með
þau minnkar verulega. Eigendur hluta-
bréfanna fá sín bréf á nýju formi og eiga
líka auðveldara með alla umsýslu þegar
ekki þarf að meðhöndla pappírinn. Ég
held því að þetta sé framtíðartækni sem
muni verða allsráðandi á markaðnum
innan fárra ára,“ segir Einar Sigurjónsson,
framkvæmdastjóri Verðbréfarskráningar
Islands.
Einar Siquriónsson.
c G A R
V c
M £
* r
Á
R E V N ' *
TRYGGINGA-
MIÐSTÖÐIN HF.
AÐALSTRÆTI 6-8 • 101 REYKJAVÍK
SÍMI 51 5 2000 • www.tmhf.is