Ægir - 01.07.2000, Blaðsíða 21

HRAÐFRYSTIHÚSIÐ-GUNNVÖR HF.
ræðna var sú að félögin voru sameinuð í
eitt öflugt félag þann 30. apríl 1997 und-
ir nafni Hraðfrystihússins hf. Að þessari
sameiningu kom einnig dótturfélag
Hraðfrystihússins hf., útgerðarfélagið
Miðfell hf. en 1. janúar 1997 hafði Frosti
hf. sameinast dótturfélagi sínu Álftfirð-
ingi hf. undir nafni Frosta hf.
Starfsemi Hraðfrystihússins-
Gunnvarar hf.
Starfsemi Hraðfrystihússins-Gunnvarar
hf. skiptist í fjögur megin svið, þ.e. út-
gerð, sjófrystingu, rækjuvinnslu og bol-
fiskvinnslu. Utgerð félagsins sér um hrá-
efnisöflun fyrir rækjuverksmiðjuna í
Súðavík og bolfiskvinnsluna í Hnífsdal.
Félagið hefur sérhæft sig í vinnslu
þorsk-, ýsu-, grálúðu- og rækjuafurða
með það að markmiði að hagræða í
rekstrinum. Aðrar fisktegundir sem fé-
lagið hefur aflaheimildir fyrir fara á
markað eða er skipt út fyrir ofangreindar
tegundir til að auka enn frekar sérhæf-
ingu og hagkvæmni í rekstrinum.
Sjö skip gerð út
Hraðfrystihúsið-Gunnvör hf. gerir út 7
skip. Frystitogarann Júlíus Geirmunds-
son ÍS-270, ísfisktogarana Andey IS-440,
Framnes ÍS-708, Pál Pálsson ÍS-102,
Stefni ÍS-28, og rækjubátana Örn ÍS-31,
og Báru ÍS-66.
Sjófrysting
ein af þremur máttarstoðum
Sjófrysting er ein af þremur megin fram-
leiðslueiningum Hraðfrystihússins-
Gunnvarar hf. Með ríflegum þorsk- og
grálúðukvóta er afkastageta frystiskipsins
Júlíusar Geirmundssonar IS-270 tryggð.
Sölumiðstöð hraðfrystihúsanna hf. sér um
alla sölu á sjófrystum afurðum fyrirtækis-
ins.
Fullkomin rækjuvinnsla
í Súðavík
Rækjuverksmiðja félagsins hefur verið
starfrækt í Súðavík samfellt frá árinu
1973. Á árunum 1993 og 1994 var verk-
smiðjan endurbyggð og er í dag búin
fullkomnasta búnaði sem völ er á. Sá bún-
aður gerir verksmiðjuna mjög samkeppn-
isfæra með tilliti til nýtingar hráefnis,
umbúða- og launakostnaðar, ásamt vali á
stærð pakkninga. Hráefni til verksmiðj-
unnar hefur verið á milli 4 og 5 þúsund
tonn á ári, sem ýmist er ferskt eða frosið.
Fyrirtækið getur þar af leiðandi boðið
fjölbreyttar afurðir hvort sem er einfryst-
ar eða tvífrystar í smápokum eða í stærri
einingum til breiðs hóps kaupenda um
allan heim. Með reglulegum heimsókn-
um fulltrúa verslunarkeðja í Bretlandi
eru húsnæði og búnaður, gæðakerfi
(þ.m.t. HACCP-kerfi) og stjórnun
vinnslunnar undir stöðugu eftirliti.
Rækjuverksmiðjan er samþykkt og við-
urkennd af þessum kröfuhörðustu kaup-
endum pillaðrar rækju.
Ferskfiskframleiðslan eykst
I Hnífsdal hefur verið starfrækt frystihús
frá stofnun félagsins. Framleiðslan bygg-
ir á vinnslu úr fersku hráefni, aðallega
þorski og ýsu, sem að stærstum hluta er
afli ísfisktogarans Páls Pálssonar IS-102.
Hráefnisöflunin hefur því byggst á ríf-
legum eigin þorskkvóta auk þess sem
lítill hluti hráefnis er keyptur af fisk-
mörkuðum og smærri útgerðum á svæð-
inu. Framleiðsluvörur fiskvinnslunnar
eru að stærstum hluta hefðbundnar fryst-
ar afurðir fyrir Bandaríkjamarkað og að
hluta til fyrir Evrópumarkað. Á síðast-
liðnum tveimur árum hefur aukinn hluti
framleiðslunnar verið fluttur ferskur á
markað erlendis. Þeim afurðum er ekið
frá vinnslu í Hnífsdal til Keflavíkurflug-
vallar og þær fluttar áfram með flugi til
kaupenda erlendis, aðallega í Bretlandi
og á meginlandi Evrópu. Með áherslu á
samhæfingu veiða og vinnslu hefur tekist
að halda jafnri vinnslu árið um kring,
þannig að kaupendur geta betur reitt sig
á áreiðanleika í afhendingu vörunnar. Það
er best tryggt með öruggri hráefnisöflun
sem byggir á öflugu eigin ísfiskskipi með
mikinn þorskkvóta og nálægð við gjöful
þorsk- og ýsumið. Hráefni til vinnslunn-
ar hefur numið rúmum 4 þúsund tonnum
undanfarin ár.
Unnið fyrir kröfuharða
kaupendur
Mikið starf hefur verið unnið við upp-
byggingu gæðakerfis fyrir skip, rækju-
og fiskvinnslu fyrirtækisins sem hefur
gert þvf kleift að framleiða afurðir fyrir
kröfuhörðustu kaupendur, bæði í Evrópu
og Bandaríkjunum. Gæðakerfið nær til
skipanna sem afla vinnslunum hráefnis,
innkaupa á öðrum aðföngum, vinnslueft-
irlits (HACCP), starfsmanna, húsnæðis
og búnaðar, meðferðar skjala, stjórnunar
og margra annarra þátta er lúta að fram-
leiðslu afurða fyrirtækisins. Allar skrán-
ingar, sem ýmist eru handskráðar, skráð-
ar beint á lyklaborð eða lesnar af strika-
merkjum, eru síðan samhæfðar í einu öfl-
ugu nettengdu kerfi, Navision Financi-
als, hugbúnaðarkerfi frá Tölvumyndum.
Togarafloti Hraðfrystihússins-Gunnvarar hf.
ísfisktogarinn Framnes ÍS-708
407 brúttóLestir
Lengd: 46,56 m
Breidd: 9,50 m
Byggður i Flekkefjord
í Noregi árið 1973.
ísfisktogarinn Stefnir ÍS-28
431 brúttóLestir
Lengd: 49,85 m
Breidd: 9,50 m
Byggður í Flekkefjord
i Noregi 1976
21