Ægir - 01.07.2000, Page 23
Hannover heldur til
rækjuveiða við Grænland
- veiðarnar styrktar af Evrópusambandinu
Hannover, frystitogari þýska útgerðaríýr-
irtækisins DFFU, dótturfélags Samherja
hf., er farinn til veiða á ný að lokinni við-
gerð á skemmdum sem urðu á skipinu í
bruna 14. maí síðastliðinn. Skipið mun
stunda rækjuveiðar í grænlenskri lögsögu
til næstu áramóta. Sem kunnugt er kom
upp eldur í Hannover þann 14. maí sl.
þar sem skipið var að veiðum á Græn-
landshafi. Skipið var dregið tii hafnar í
Reykjavík og eftir að tjónið hafði verið
metið var skipið dregið til Noregs til við-
gerða. Þangað kom skipið þann 31. maí
sl.
Hannover skemmdist mikið í
brunanum, bæði af eldinum sjálfum en
einnig af sóti og reyk sem fór um allt
skipið. Meðal annars gereyðilagðist
stjórnherbergi skipsins. Skipið var tryggt
fyrir því eignatjóni sem varð. Tjón sem
fellur á DFFU og þannig á Samherja hf.
er hins vegar vegna þess aflataps sem varð
á meðan á viðgerð stóð en tryggingar fyr-
ir slíku tjóni tíðkast ekki í útgerð. Þetta
tjón nemur um 30 milljónum króna, eins
og fram hefur komið.
Viðgerðin í Noregi gekk vonum fram-
ar og tók einungis rúmar 5 vikur.
FRÉTTIR
Rækjuveiðar Hannover í grænlenskri
lögsögu eru verkefni sem unnið er f sam-
vinnu við Royal Greenland en grænlensk
stjórnvöld leggja til veiðiheimildirnar.
Verkefnið er styrkt af Evrópusambandinu
og nemur styrkurinn um 270.000 ís-
lenskum krónum á hvern úthaldsdag.
Hannover mun landa afla sínum á Græn-
landi.
Að sögn Finnboga Baldvinssonar,
framkvæmdastjóra DFFU, hafa rækju-
veiðar við Grænland gengið mjög vel að
undanförnu. „Við bindum miklar vonir
við þessar veiðar og teljum að hér sé um
mjög áhugavert verkefni að ræða fyrir
Hannover og DFFU,“ segir hann.
Hannover veiðir næstu mánuðina við Grænland. Tjón vegna brunans um borð í skipinu i mai nemur
um 30 milljónum króna.
UTGERÐARÞJONUSTA
Til staðar þar sem þú þarft á þjónustu að halda
Útgerðarþjónusta Olís er útgerðaraðilum alltaf til reiðu með alhliða þjðnustu
um land allt, allan sólarhringinn, alla daga ársins.
Eldsneyti, smurolíur og hreinsiefni af öllum toga fyrir útgerðina.
Útgerðarþjónusta Olis er einnig til staðar í erlendum höfnum og á úthafsmiðum
með fjölbreytta og áreiðanlega þjónustu.
Olíuverzlun íslands - Sundagorðum 2-105 Reykjavík - Síml 515 1100 ■ Fax 515 1110 ■ www.olis.is