Árbók Háskóla Íslands - 01.01.1931, Blaðsíða 72

70
Fylgiskjal I.
Álit sérfræðinga, er Vísindafélag íslands skipaði,
um undirbúningsnám við Háskóla íslands.
Undirbúningsnám í náttúruvisindum við Háskóla íslands.
Þeir, sem lesa dýrafræði, grasafræði, jarðfræði, landafræSi og
fleiri sérgreinar viS erlenda háskóla, verSa allir aS nema ákveðin
undirstöSuatriði í þessum greinum, sem eigi þarf nein sérstaklega
kostnaðarsöm tæki til að kenna, og ætti því að vera hægt að kenna
hér í Reykjavík og prófa nemendur í, svo aS þaS spari þeim 1—2
vetra nám við háskóla erlendis.
Heimspeki verða þeir að lesa, er stunda náttúrufræði við há-
skóla hér á Norðurlöndum og taka próf í henni fyrsta veturinn. í
Þýzkalandi er heimspeki ekki skyldunámsgrein fyrir náttúrufræð-
inga. Siðastliðinn vetur las einn íslendingur, er ætlaði sér að lesa
náttúrufræði, heimspeki hér við háskólann og lauk prófi i henni.
Nú í vetur stundar hann nám við Hafnarháskóla og var heimspekis-
próf hans tekið fullgilt.
Jarðfræði: MeginatriSi jarSfræðinnar verða þeir að nema, er
ætla sér að lesa dýrafræði, grasafræði, landafræði og aðrar sér-
greinar náttúrufræðinnar erlendis, t. d. bergfræði, fysiska jarð-
fræði og sögulega jarðfræði, eða um steingerfinga og jarSlagaskipun.
Til þessarar kennslu myndi þurfa:
1) Sýnishornasafn af bergtegundum og algengum steintegundum og
safn af einkennissteingerfingum ýmsra jarðsögutímabila. Hér
heima má viða að með fremur auðveldu móti stofni að sliku safni.
Hefi ég þegar mikið til að velja úr í söfnum þeim, er ég hefi
dregið saman. AnnaS, sem mest væri þörf á, myndi vera hægt að
fá frá erlendum jarSfræðisöfnum, í skiptum fyrir íslenzka steina
og bergtegundir.
2) Skuggamyndavél til að sýna gagnsæjar og ógagnsæjar myndir.
3) Tæki til steinaákvarSana kosta ca. 15. kr. á nemanda, væri nem-
endum sjálfum ætlað aS eignast þau. Reyndar yrði á þessu
stigi engin áherzla lögð á steinafræði (Mineraiogi). En þó væri
sjálfsagt að veita nemendum leiðbeiningu í að ákveða steina
og leita eftir svörunum frumefna í steintegundum. Mætti vel
setja það i samband við nám þeirra i efnafræði.
Við háskólann i Hamborg ganga rúmir 90 fyrirlestratímar i þetta
nám. En ég hygg, að hér gætu nægt við þetta nám 60—70 fyrir-
lestrar. En að auki þyrfti talsverðan tíma til æfinga og exkursiona.
Vér erum mjög vel settir hér i Reykjavík meS verkefni úti i jarð-
fræði, þar eð nærri bænum eru bæði margbreytilegar typiskar