Árbók Háskóla Íslands - 01.01.1947, Síða 122

120
herbergi á Gamla-Garði. Úr því varð ekki, en skrifstofan fékk í þess
stað inni á Nýja-Garði í sumar. Ekki þótti fært að halda til streitu
þeirri málaleitan að fá herbergi áfram í vetur, þar sem þurft hefði
að taka íbúðarherbergi til notkunar.
Upplýsingaskrifstofa stúdenta og framkvæmdastörf ráðsins.
Strax í fyrrahaust taldi stúdentaráð brýna nauðsyn bera til þess,
að upplýsingaskrifstofan væri í nánari tengslum við stúdenta og
fengi húsnæði á háskólalóðinni. í marz var svo samþykkt tillaga
þess efnis að sameina upplýsingaskrifstofu ráðsins og afgreiðslu
tímaritsins Garðs. Var þetta framkvæmt að vori, þegar herbergi
fékkst á Nýja-Garði. Forstöðumaður upplýsingaskrifstofunnar taldi
skrifstofuna ekki geta tekið að sér framkvæmdastörf ráðsins, nema
aukinn starfskraftur kæmi til. Samþykkti ráðið að ráða Guðlaug
Þorvaldsson til framkvæmdastarfa fyrir ráðið, og starfaði hann
mestan hluta sumars í afgreiðslu Garðs og fyrir ráðið, og varð
ráðinu ómissandi maður.
En sameiningarfyrirkomulag þetta varð ekki fullnægjandi. Þegar
menntamálaráðuneytið bað um álit stúdentaráðs á starfsemi upp-
lýsingaskrifstofunnar, fór ráðið því fram á það, að það fengi fjár-
hæð þá, kr. 24—26 þúsund, sem árlega gengju til skrifstofunnar
með því skilyrði, að Lúðvíg Guðmundsson veitti henni forstöðu, skil-
yrðislaust, og gæti það þá með þeirri fjárupphæð og 10 þús. kr.
ríkisstyrknum ráðið fastan mann, sem hefði forstöðu þessa og fram-
kvæmdastörf stúdentaráðs að aðalstarfi. Átti stúdentaráðið, og á
enn, í samningum við menntamálaráðuneytið um þetta mál. Eru
allar horfur á því, að það leysist á þann veg, að Háskólinn taki að
sér upplýsingaskrifstofuna og fái mann sérstaklega til þess, sem
mun svo sjá um framkvæmdastörf stúdentaráðs og bókasölu.
Áður en horfur voru á, að málið mundi þannig leysast, en eftir
að ljóst var, að um ekkert skrifstofupláss var að ræða á Görðunum,
fór ráðið fram á, að fá stofu þá í háskólanum til afnota, þar sem
gögn sögusýningarinnar eru nú geymd, og mun háskólaráð taka end-
anlega ákvörðun í því. Er nú enn meiri ástæða en áður var til þess,
að orðið sé við óskum stúdentaráðs, svo að hinum tilvonandi starfs-
manni skapist góður aðbúnaður.
Tímaritið Garður.
Strax og stúdentaráðið tók við, innti það ritstjórann frétta af
útgáfu tímaritsins. Taldi ritstjórinn þá ekki vanta efni í 4 hefti á
ári, en æskti eftir frekara samstarfi við háskólastúdenta, og voru
kosnir til þess aðstoðarritstjóri og nýr ritnefndarmaður.
Þá gerði ráðið og tilraun til að innheimta 10 þúsund króna fram-