Árbók Háskóla Íslands - 01.01.1947, Blaðsíða 124
122
þarf ritið frá grunni og halda áfram þeirri sókn, sem núverandi
stúdentaráð hóf til að halda Garði við lýði. Er enginn vafi, að
það er hægt, ef allir leggjast á eitt.
Handbðkin.
Fyrir nær þremur árum skoraði stúdentaráð á forstöðumann Upp-
lýsingaskrifstofu stúdenta að hefjast handa um útgáfu handbókar
og kemur það fram í skýrslu stúdentaráðs 1944—45, að tekið hafði
verið vel í það.
Næst skipar stúdentaráð 1945—46 þriggja manna nefnd í málið,
sem starfa skyldi í samvinnu við forstöðumann upplýsingaskrif-
stofunnar i máli þessu. Nefndin safnaði nokkrum upplýsingum um
félagsmál akademikara, en vegna utanfarar forstöðumannsins m. a.
urðu störfin ekki meiri.
Byrja varð því hér um bil frá grunni, þegar þetta ráð tók við.
Var skipað ráð manna í des. s.l., skipað fulltrúum úr öllum deildum,
ásamt ritstjóra, er hafa skyldi forystu ásamt forstöðumanni upp-
lýsingaskrifstofunnar í handbókarmálinu. Varð það að samkomu-
lagi, að ritstjórinn og ráðið sæi um innlenda efnið, og átti að skila
því í hendur forstöðumanns upplýsingaskrifstofunnar, sem sæi um
erlenda efnið og byggi bókina endanlega undir prentun. Seint í maí-
mánuði skiluðu fulltrúar stúdentaráðs innlenda efninu og inntu eft-
ir því erlenda. Var það síðan oftlega ítrekað, en annríki hamlaði
forstöðumanninum sífellt að ljúka við sinn hluta, og þegar það ann-
ríki var fyrirsjáanlegt í haust, tók stúdentaráðið að sér útgáfuna
algerlega, og hefur fahð þeim Einari L. Péturssyni stud. jur. og
Níels P. Sigurðssyni stud. jur. allar framkvæmdir, enda hafa þeir
tjáð sig fúsa til að ganga eins vel frá útgáfunni og nokkur kostur er á.
Hljómlistarmál.
1. Hljómleikar. Til athugunar hefur verið í stúdentaráði að hafa
hljómleika fyrir háskólastúdenta. Hátíðasalurinn þótti ófær til hljóm-
leikahalds, í fyrsta lagi vegna þess að hljómun er þar mjög slæm
og í öðru lagi vegna þess, að hljómbotn er sprunginn í flyglinum.
Kom þá til athugunar að hafa hljómleika í salnum á Gamla-Garði,
en þar vantaði flygil. Meðan úr því yrði bætt fékk ráðið miða með
lægsta verði að tónleikum Tónlistarfélagsins, og loforð um, að Tón-
listarfélagið fengi þá listamenn, sem héldu konserta á vegum þess,
til að koma fram á Gamla-Garði þegar flygill væri þangað kominn,
og endurgjald mundi líklega ekki fara fram úr kr. 5,50 á sæti.
2. Flygill. Eftir að ráðið hafði fengið það loforð Garðstjórnar,
að hún skyldi kaupa flygil, ef ráðið útvegaði hljóðfærið, var fyrst
reynt að fá gjaldeyris- og innflutningsleyfi, en ráðinu var tjáð, að