Árbók Háskóla Íslands - 01.01.1962, Qupperneq 80

62
sæti í guðfræðirannsóknum, sem gerðar hafa verið á vegum
lútherska heimssambandsins og ekúmenísku hreyfingarinnar.
Regin Prenter hefir að auki starfað mjög að almennum mál-
efnum kirkju og kristniboðs. Um 5 ára skeið átti hann sæti
í framkvæmdastjórn lútherska heimssambandsins, en að sam-
bandi hinna íslenzku og dönsku kirkna hefir hann unnið með
stjórnarstörfum og formennsku í Dansk-Islandsk Kirkesag.
Af þessum sökum telur Háskóli Islands sér sóma að því að
heiðra Regin Prenter með titlinum doctor theologiae honoris
causa.
Herra Sigurbjörn Einarsson er fæddur 1911. Hann gegndi
dósents- og prófessorsembætti við Háskóla íslands í 16 ár, frá
1943 þar til hann var vígður biskup árið 1959. Kennslugreinar
hans við Háskóla Islands voru trúfræði og almenn trúar-
bragðafræði.
Fræðileg störf hans á sviði trúarbragðafræða eru brautryðj-
andi hér á landi, og hefir hann ritað kennslubækur í þeim
greinum. Hann hefir verið mikilvirkur rithöfundur, skrifað
fjölda greina og ritgjörða, m. a. um íslenzkan sálmakveðskap,
hann hefir kynnt hér ný viðhorf í guðfræði og gaf um árabil
út guðfræðilegt tímarit.
Sigurbjörn Einarsson gegndi prestsembætti í þjóðkirkju Is-
lands um fimm ára skeið og hefir getið sér orðstír fyrir pré-
dikanir sínar og önnur prestsstörf. Hann hvatti mjög til end-
urreisnar Skálholtsstaðar. Áhrif hans á þjóð vora hafa verið
þjóðlega og siðgæðislega vekjandi.
Af þessum sökum telur Háskóli Islands sér sæmd að því
að heiðra Sigurbjörn Einarsson með titlinum doctor theologiae
honoris causa.
1 læknadeild:
Earl Judson King er fæddur í Kanada 1901. Hann varð pró-
fessor í meinefnafræði við Postgraduate Medical School Uni-
versity of London 1944.