Árbók Háskóla Íslands - 01.01.1962, Qupperneq 81

63
Prófessor King er lífefnafræðingur að mennt, hóf ungur að
árum rannsóknir á vökum og var um þrítugt orðinn mikils-
metinn vísindamaður í ættlandi sínu. Hann hefir staðið fram-
arlega í flokki þeirra, sem unnið hafa að frum-rannsóknum í
lífefna- og meinefnafræði. Á grundvelli þessara rannsókna hafa
menn öðlazt nýjan og gleggri skilning á starfsháttum heil-
brigðs og sjúks likama, á eðli sjúkdóma og undirstöðuatriðum
lækninga.
Prófessor King hefir birt ótölulegan fjölda vísindagreina um
hin margvíslegustu efni. Yfirgripsmestar munu rannsóknir hans
á fosfatösum og steinlungum (silicosis) vera. Hann hefir og
samið gagnmerk rit um meinefnafræði og á fleiri sviðum.
Prófessor King á fjölda lærisveina um víða veröld. Með
markvísri stjórnvísi og magnandi starfsorku hefir hann orðið
þeim örvandi fyrirmynd til atorku og afreka.
Fyrir því telur Háskóli Islands sér heiður að því að sæma
Earl Judson King nafnbótinni doctor medicinae honoris causa.
Eduard Busch er fæddur 1899 í Kaupmannahöfn. Hann varð
prófessor í heila- og taugaskurðlækningum við Kaupmanna-
hafnar háskóla 1948.
Á síðustu áratugum hefir heila- og taugaskurðlækningum
fleygt svo fram, að þær skipa nú jafnveglegan sess og hinar
eldri og hefðbundnari greinar læknisfræðinnar.
Fyrir fullum aldarfjórðungi hóf prófessor Busch fyrstur
manna heilaskurðlækningar í Danmörku. I upphafi á lítilli
sjúkradeild við erfiðar aðstæður, en áður en langt leið var
hann orðinn yfirlæknir á stóru og velbúnu sjúkrahúsi. Jafn-
framt brautryðjandi starfi í heimalandi sínu hefir prófessor
Busch staðið í fylkingarbrjósti þeirra manna, sem mest og bezt
hafa starfað að heilaskurðlækningum.
Prófessor Busch hefir ritað fjölda vísindagreina og samið
merk rit í fræðigrein sinni, en kunnastur er hann sem afburða
heilaskurðlæknir.
Sökum þessa hefir fjöldi Islendinga leitað til hans sér til
lækninga. Hefir hann jafnan reynzt þeim frábær læknir, en