Árbók Háskóla Íslands - 01.01.1962, Side 89

69
og ritað fjölda greina um fornan kveðskap, goðafræði og aðra
þætti norrænnar menningar. Með starfi sínu við Óslóarháskóla
hefir hún um langt skeið verið lærimeistari fjölmargra yngri
fræðimanna. Rannsóknir hennar allar bera vitni víðtækri og
traustri þekkingu.
Af þessum sökum telur Háskóli Islands sér það sæmdarauka
að heiðra Anne Holtsmark með titlinum doctor philosophiae
honoris causa.
Christian Matras er fæddur í Færeyjum árið 1900. Hann
hefir nú verið kennari í færeysku við Kaupmannahafnarhá-
skóla í aldarfjórðung og varð þar prófessor 1952. Hann hefir
um langt skeið verið forustumaður á sviði færeyskra fræða,
og þar með eru vísindastörf hans nátengd íslenzkum fræðum.
Hann hefir bæði látið til sin taka mál og bókmenntir Færey-
inga með örnefna- og málfræðirannsóknum, orðabókarstarfi,
þjóðkvæðaútgáfum og samningu bókmenntasögu. Hann er hinn
traustasti fræðimaður, kunnur að gaumgæfni og vandvirkni.
Af þessum sökum telur Háskóli Islands sér það sæmdarauka
að heiðra Christian Matras með titlinum doctor philosophiae
honoris causa.
Dag Strömback er fæddur í Svíþjóð árið 1900. Veigamestu
vísindarit hans varða þjóðfræði, einkum þjóðtrú, auk texta-
fræða og mállýzkurannsókna. Þó að eigin rannsóknir hans séu
víðtækar, takmarkast starf hans samt ekki við þær; hann hef-
ir einnig sem forstöðumaður Landsmáls- och Folkminnesar-
kivet í Uppsölum og prófessor við Uppsalaháskóla skipulagt
víðtækt rannsóknarstarf. 1 vísindastarfi sínu sameinar hann
hugkvæmni og nákvæmni, svo sem bezt má verða, og ber að
telja hann meðal fremstu fræðimanna Svía í hugvísindum.
Rannsóknarefni hans eru nátengd Islandi, enda er hann gagn-
kunnugur íslenzkum fræðum og styðst mjög við íslenzkar
heimildir. Hann hefir með ritum sínum unnið íslenzkum fræð-
um ómetanlegt gagn.
Af þessum sökum telur Háskóli Islands sér það sæmdarauka