Tímarit lögfræðinga og hagfræðinga - 01.12.1923, Síða 48

222
Tímarit lögfræðinga og hagfræðinga.
vikunum. En þetta rýrir að engu leyti verðleika Lassens.
Það er ekki á hvers manns færi að lesa þessar reglur út
úr margbreytni dómanna svo skarplega sem Lassen hefir
gjört og skipa þeim niður í rétt og fast kerfi. Til þess
þarf skarpskygni sem fáum er gefin. En Lassen hafði
hana til að bera.
Auk kröfuréttarins kendi hann um hríð rómverskan
rétt og hefir hann ritað nokkuð um þau efni t. d. Fore-
læsninger over romersk Privatret, 1899—1904, Lærebog i
romersk Privatret, 2. útg. 1911. Hann átti og mikinn þátt
í undirbúningi ýmsra lagabálka, meðal annars var liann
einn af fulltrúum Dann í kröfuréttarnefndinni norrænu og
átti mikinn þátt i starfi hennar. Má segja að lög þau er
sú nefnd hefir samiö séu mótuð af honum og mjög í hans
anda, jafnan gætt þess að iögfesta reglur með varúð og
gefa dómstólunum þar se'm þess er þörf svigrúm til þess
að dæma eptir atvikunum. Margt í þessum lögum, t. d.
kaupalögunum og samningalögunum, er líka beinlínis lög-
festing á reglunum sem hann hafði sett frarn í kröfurétti
sinum. Þó að Lassen gæfi sig aldrei að stjórnmálum, mun
danskur og yfir höfuð norrænn réttur, bera hans meiri og
haldbetri menjar en margra kúgilda af almennum stjórn-
málaskúmum.
En lögfræðin var ekki eina áhugamál Jul. Lassens.
Hann var góður grasafræðingur og ritaði ýmislegt um þau
efni. Hann var kirkjumaður og tók þátt í ýmsri safnaðar-
starfsemi í Kaupmannahöfn.
Gamall Garðbúi og lærisveinn Lassens, Björn Þórðar-
son hæstaréttarritari, hefir minst hans fagurlega og hlý-
lega í dagblaðinu Vísir 30. f. m: Get eg, sem gamall Garð-
búi, tekið undir það er hann segir um Lassen sem Garð-
prófast. Þó að persónuleg kynni flestra okkar við liann
væru fremur lítil, þá get eg ekki skilið annað en að við
minnumst lians allir með ást og virðingu.
Eg minnist þess að eitt sinn sagði Lassen það í ræðu
á Garði að æskuósk sín hefði verið sú að verða prófes-
sor í lögfræði og verða Garðprófastur. Hann fékk báðar