Búnaðarrit - 01.06.1940, Blaðsíða 18

X
BÚNAÐARRIT
sem áður er skýrt frá, brunnu einnig bækur og önn-
ur plögg oddvitans og hreppstjórans í Andakíls-
hreppi, því Hjörtur hafði bæði þau störf á hendi.
Vissi ég, að það kostaði mikla og margháttaða erfið-
leika að koma því aftur í rétt horf.
Þess má enn geta, að Hjörtur geymdi talsvert af
peningum fyrir heimilisfólkið, sem ekki átli hentugar
hirzlur, og tók hann á sig það tjón líka, og galt
hverjuln sitt að lokum. Tjón þeirra hjóna var þvi
ærið tilfinnanlegt; þó hygg ég, að Hirti væri einna
mest eftirsjá að bókasafninu, ]jví að þar voru margar
torgætar bækur.
Eftir brunann var svo lagfærð skemma sú, er
byggð var 3 896. Bjó allt heimilisfólkið þar um vetur-
inn og fram á vor og meginþorri þess í meira en ár.
Var ærið þröngt um 35—40 manns, en oft var glatt á
hjalla um veturinn, þar sem svo margt fólk var í einu
herbergi.
Það var eftirtektarvert, hve fljólt þeim hjónum,
Hirti og Ragnheiði, tókst að bæta heimilisfólkinu upp
aftur mikið af því tjóni, sem bruninn olli. Komu þá
vel í ljós yfirburðir þeirra í stjórnsemi og fram-
kvæmd. Flest af okkur áttum ekki önnur föt en þau,
sem við stóðum í, en úr þessu var bætt, alveg ótrúlega
fljótt, og með undursamlegri nærfærni og árvekni.
Að vísu fór kennsla fram þennan vetur, en ekki
ineð sarna hætli og að undanförnu, sökum þrengsla,
var því auðsætt, að ekki yrði unnt fyrir þá pilta, sem
voru í eldri deild að taka sæmilegt burtfararpróf
vorið 1904. Einn af nemendum skólans fór því frá
Hvanneyri nokkru eftir brunann, og var hann við nám
í Ólafsdal þennan vetur, og lauk þar prófi um
vorið.
Meðan Hvanneyri var í brunarústum, komu fram
raddir um það, að leggja niður skólann á Hvanneyri
og flytja hann lil Reykjavíkur. Meðal annars ritaði