Valsblaðið - 01.05.2010, Page 109

Með skemmtilegum
stelpum sem allan
keppa að sama marki
Berglind Rós Ágústsdóttir en 15 ára og leíkur
fotbolta meó 3. flokki og handbolta með 4. flokki
Berglind eða Begga, er búin að æfa fót-
bolta í 8 ár með Val en byrjaði að æfa
fótbolta með strákunum í Víkingi þegar
hún var að verða 7 ára. Hún ákvað að
fara yfir í Val þegar hún fann að strákun-
um fannst teiðinlegt að hafa stelpu í lið-
inu. „Pabbi og mamma vildu að ég færi í
Fram eða Val og að sjálfsögðu varð Valur
fyrir valinu.
Hver er helsti munurinn að æfa hand-
bolta og fótbolta hjá Val? „Mér finnst
starfið hjá fótboltanum vera mjög gott.
Ég hef alltaf verið mjög heppin með
þjálfara sem skiptir náttúrulega höfuð-
máli þegar kemur að því að halda í unga
leikmenn sem byrja að æfa hjá Val. Það
var margt gert fyrir okkur í yngri flokk-
unum sem haldist hefur upp í unglinga-
flokk. Til að mynda var lengi vel valinn
leikmaður mánaðarins, við gerum eitt-
hvað félagslegt í hverjum mánuði sem
hefur aðeins breyst eftir því sem við
verðum eldri. Eftir leiki hefur þjálfari
valið leikmann leiksins. Einnig gefur
þjálfarinn hverri og einni umsagnir um
hvernig við stöndum okkur og hvað við
eða hún vill að við bætum. Þetta hefur
hvetjandi áhrif og eflir leikmenn til dáða.
Samheldnin utan sem innan flokksins er
alveg ótrúleg og við þekkjumst orðið
mjög vel og reynum að styðja og hvetja
hverja aðra. Ætli ég myndi ekki segja að
handboltinn mætti taka sér fótboltann
svolítið til fyrirmyndar þegar kemur að
starfi yngri flokkanna sérstaklega
stelpnamegin. 1 báðum greinum er mikil
metnaður lagður í það að fá sem bestu
þjálfara, kröfurnar á æfingum eru þær
sömu, þrekæfingar, hlaup og tækniæfing-
ar. Snerpan og hraðinn er kannski stund-
um meiri í handboltanum.
Stuðningur foreldra? Þau hafa hvatt
mig til að nota alltaf jákvætt hugarfar,
aldrei að gefast upp og segja mér að gera
alltaf mitt besta og kannski aðeins betur
en það. En umfram allt að hafa gaman að
því og bara öllu því sem ég tek mér fyrir
hendur."
Hvernig gengur ykkur í fótboita og
handbolta? „Okkur gekk alveg geðveikt
vel i fótboltanum. Unnum öll mótin
nema eitt. Við enduðum sumarið á að
fara saman til Dana Cup. Það mót unnum
við en það sem stendur upp úr þar er þeg-
ar við fórum og versluðum, böllin og
náttúrulega að keppa úrslitaleikinn og
vinna Dana Cup. I handboltanum gekk
okkur ekki alveg eins vel en áttum góða
spretti inn á milli. Ég hef farið á Partille
Cup tvisvar með handboltanum og fyrir
utan keppnina og böllin en þau voru frá-
bær þá toppar Liseberg eða tívolíið alger-
lega ferðirnar."
Skemmtileg atvik úr boltanum? „Við í
fótboltanum höfum oft tekið þátt í mótum
en mér fannst ótrúlega gaman þegar ég fór
í 6. flokki til Siglufjarðar. Það rigndi allan
tímann og okkur langaði svo til að mag-
arenna okkur í drullunni því við sögðumst
bara fara í ískalda ána og þvo okkur á eft-
ir. En það leist hvorki þjálfara né foreldr-
um á svo Lea þjálfari lofaði okkur því að
ef við myndum vinna mótið mættum við
magarenna okkur í drullunni og að við
mættum henda henni í ána. Þetta var hörð
og skemmtileg keppni og við héldum okk-
ur bara nokkuð hreinum miðað við
aðstæður. En að sjálfsögðu unnum við
mótið og fengum að magarenna okkur í
drullunni. Síðan varð það kappsmál að ná
í Leu og henda henni út í á.“
Fyrirmyndir í boltanum? „Ekki spurn-
ing, allur meistaraflokkur kvenna í Val
hvort heldur í fótbolta eða handbolta. Þó
eru Dóra María og Katrín Jóns. mínar
uppáhalds hér heima en toppurinn er
Marta Vieira da Silva sem er mjög góð.
Einnig Maradona, C. Ronaldo og Mezzi.
I handboltanum eru það Guðjón Valur
Sigurðsson og Hrafnhildur Skúladóttir."
Framtíðardraumar? „Að verða afreks-
íþróttamaður og góð fyrirmynd. Það
styttist í að annaðhvort handbolti eða fót-
bolti verði fyrir valinu en það mun ekki
verða auðvelt þar sem þessar báðar
íþróttagreinar eru svo frábærar.“
Valsarar í fjölskyldunni? „Helstu Vals-
ararnir í minni fjölskyldu erum við syst-
urnar en María Björg systir mín • er í
marki hjá Val í fótbolta og leikur hand-
bolta með Fram eins og mamma gerði,
pabbi spilaði með Aftureldingu og bróðir
minn er í Víkingi. I stórfjölskyldunni eru
þekktir Valsarar en Magnús Blöndal Sig-
urbjörnsson er frændi minn í föðurætt og
hans systrasynir Magnús og Guðmundur
Þórssynir eru gallharðir Valsarar. Magn-
ús heitinn stofnaði t.d. sumarbúðir í borg
og þjálfaði yngri flokka Vals eins og Sig-
fús Sigurðsson.'1
Hver stofnaði Val og hvenær? „Friðrik
Friðriksson stofnaði Val þann 11. maí
árið 1911.“
Hvað finnst þér að Valur eigi að gera
til að fagna 100 ára afmælinu?
• Opið hús fyrir börn þar sem þau fá að
kynnast öllum greinum íþrótta og að
kynnarnir verði nafntogaðir Valsarar
og líka ungir Valsarar sem hafa staðið
sig vel með Val.
• Opið hús fyrir dygga stuðningsmenn
Vals unga sem aldna þar sem boðið
verður upp á stóra Valstertu.
• Skemmtileikir á milli kvenna og karla
eða leikir þar sem kvk og kk er bland-
að saman í lið í sömu aldursflokkum
• Hátíðarborðhald fyrir alla þá sem vilja
koma og styrkja Val og í leiðinni njóta
þess að vera saman.
Valsblaðið 2010
109