Búnaðarrit - 01.01.1988, Qupperneq 24
son, ráðunautur, og Hjalti Gestsson, ráðunautur, báðir kosnir af Búnað-
arþingi, Ingi Tryggvason og Þórarinn Þorvaldsson frá Stéttarsambandi
bænda, og Halldór H. Jónsson, arkitekt, sem skipaður var af fjármálaráð-
herra og var hann formaður hússtjórnar þetta ár. Framkvæmdastjóri
hússins var sem áður Konráð Guðmundsson, sem jafnframt er hótelstjóri.
Þar sem ekki er lengur um að ræða ríkisábyrgð á lánum, sem hvíla á
Bændahöllinni, en hún var forsenda þess að fjármálaráðherra tilnefndi
mann í stjórnina, og þar sem skipunartíma Halldórs H. Jónssonar lýkur
um þessi áramót, þótti stjórnum B.I. og Stéttarsambands bænda eðiilegt
að þau ákvæði samnings um stjórn Bændahallarinnar tækju gildi að
stjórnirnar kæmu sér saman um tilnefningu oddamanns í stjórnina.
Samkomulag varð um þetta á milli stjórnanna þannig að oddamaður yrði
kosinn til skiptis af eignaraðilum til tveggja ára í senn. Stjórn B.í. bauð að
Stéttarsambandið réði oddamanni fyrir næstu tvö ár, 1988 og 1989.
Byggingaframkvæmdum við nýbyggingu lauk að langmestu leyti á
árinu, en alllengi var unnið við ýmsar innréttingar m.a. í kjallara, þar sem
lokið var innréttingu heilsuræktar og starfsmannaaðstöðu.
Mikið var unnið við endurbætur á húsnæði því sem Búnaðarfélagið
hefur til umráða. Merkasti áfangi náðist er lokið var innréttingu fyrir
bókasafn félagsins snemma á árinu. Þar er jafnframt rúmgóður fundarsal-
ur. Innréttingar og húsbúnaður á bókasafninu, sem allt er hið vandaðasta,
var greitt með ágóðahlut félagins af rekstri hótelsins. Bókasafnið var tekið
formlega í notkun með látlausri samkomu 24. febrúar. Þá var jafnframt
afhjúpuð brjóstmynd af Halldóri Pálssyni, fyrrverandi búnaðarmálastjóra,
er Búnaðarfélag íslands og Rannsóknarstofnun iandbúnaöarins höfðu
fengið Helga Gíslason, myndhöggvara, til að gera. Endurinnréttingu á
húsnæði félagsins á annarri hæð lauk snemma á árinu og fer þar vel um
Búreikningastofu og tölvudeild. Á þriðju hæð voru margar af skrifstofum
ráðunauta endurinnréttaðar og þær allar málaðar. Eftir stendur að gera
breytingar á aðalskrifstofu félagsins og að fá viðunandi aðstöðu fyrir
skrifstofustjóra. Flutningar og margháttað umrót fylgdu þessum breyting-
um og juku mönnum margháttaða fyrirhöfn.
I sambandi við þessi húsnæðismál má geta þess, að vikuna 7.—13. júní
varð allt starfsfólk bændasamtakanna að rýma húsnæði sitt og vera fjarri
vinnu á meðan ársfundur Atlantshafsbandalagsins var haldinn í Bænda-
höllinni. Af öryggisástæðum máttu engir koma í húsið án þess að hafa
sérstakan „passa“. Undirritaður fékk einn slíkan og fékk að fara sinna
ferða. Skrifstofur í norðurenda voru allar notaða af Nato-mönnum og hluti
af húsnæði B.í.
22