Búnaðarrit - 01.01.1988, Side 50

Skýrsla Jóns Viðars Jónmundssonar
Á árinu 1987 vann ég að mjög fjölþættum
störfum. Auk starfa minna hjá Búnaðarfé-
lagi Islands var um að ræða veruleg störf í
tengslum við og á vegum annarra landbún-
aðarstofnana. Þar var um að ræða ýmiss
konar vinnu fyrir Framleiðsluráð Iandbún-
aðarsins og má þar nefna að ég hafði umsjón
með uppgjöri á afurðum bænda vegna samn-
ings ríkisins og Stéttarsambands bænda
vegna fullvirðisréttar. Ég annaðist einnig
útreikninga á fullvirðisrétti fyrir Fram-
leiðsluráð bæði í mjólkur- og dilkakjöts-
framleiðslu. Vegna þessarar vinnu svaraði
ég einnig mjög mörgum af fyrirspurnum bænda og ráðunauta um þessi
mál. Símtöl á árinu vegna þessara mála hafa vafalítið skipt þúsundum og á
tímabilum á árinu var þannig að sími var tæpast lagður niður þann tíma
dagsins sem skiptiborð var opið. Lokiö var vinnu við búrekstrarkönnun á
vegum Bsb. Vestfjarða, sem hafin var á árinu 1986. Vinna vegna þessa
verkefnis var þó ekki nema um þrjár eða fjórar helgar á þessu ári.
Nautgriparæktin.
Skýrsluhald nautgriparæktarfélaganna. Eins og áður sá ég um allt uppgjör
á skýrslum nautgriparæktarfélaganna. Árið 1986 voru skýrslufærðar kýr á
vegum þeirra 25290 hjá 869 skýrsluhöldurum. Árskýr reiknuðust vera
19232,1. Kýr á skýrslu voru fleiri en nokkru sinni áður, en árskýr eilítið
færri en á árinu 1985 og er það vegna hinna miklu hræringa, sem áttu sér
staö í mjólkurframleiðslunni á árinu 1986 vegna tilkomu fullvirðisréttar,
sem leiddi m.a. til meiri endurnýjunar í kúastofninum en áður.
Afurðir eftir hverja árskú reyndust 3936 kg, sem er 12 kg minna en á
árinu 1985. Notkun kjarnfóðurs minnkaði aftur á móti um meira en 100 kg
á kú á milli ára þannig að þessar niðurstöður mjólkurframleiðslunnar á
árinu 1986 eru ákaflega hagstæðar.
Bændur hafa á síðustu árum aukið hagkvæmni í mjólkurframleiðslu
mjög mikið við þær framleiðsluaðstæður sem ríkja. Niðurstöður úr kúa-
skýrslum , búreikningum og tölur um innflutning kjarnfóðurs sýna, að
kjarnfóðurnotkun hefur dregist verulega saman í mjólkurframleiðslunni á
Jón Viðar Jónmundsson
48