Búnaðarrit - 01.01.1988, Síða 51
síðustu árum. Á sama tíma hafa meðalafurðir kúnna síst minnkað. Þar
gætir að nokkru að kúastofninn fer verulega batnandi frá ári tii árs.
Hagkvæmni framleiðslunnar hefur því aukist. Ástæða er til að undirstrika
að skýrsluhaldið á að vera og er eitt virkasta hjálpartæki bænda til að auka
hagkvæmni framleiðslunnar ef niðurstöður þess eru notaðar á markvissan
hátt við skipulagningu framleiðslunnar. Þess vegna hlýtur það að vera
markmið að allir bændur, sem mjólkurframleiðslu stunda, hafi gott af-
urðaskýrsluhald um gripi sína.
Auk úrvinnslu á skýrslum nautgriparæktarfélaganna fer fram regluleg
úrvinnsla á skýrslum frjótækna, efnamælingum frá Rannsóknarstofu
mjólkuriðnaðarins og á skýrslum um útsent sæði, en upplýsingar frá
þessum skýrslum eru notaðar í skýrslum nautgriparæktarfélaganna.
Kynbótanefnd. Verkefni nefndarinnar er að annast val á nautum fyrir
Nautastöðina á Hvanneyri, og dóm á nautum þegar niðurstöður um af-
kvæmi þeirra liggja fyrir úr skýrslum nautgriparæktarfélaganna snemma á
hverju ári. Nefndin hélt þrjá fundi á árinu. Á árinu 1987 voru afkvæma-
dæmd þau naut Nautastöðvarinnar, sem fædd voru árið 1980. Samtals
voru þetta 18 naut. í þeim hópi voru mörg naui, sem hlutu mjög góðan
dóm. Prjú bestu nautin voru valin til notkunar sem nautsfeður á árinu
1987 og eru það Nikki 80001, Dálkur 80014 og Bæsi 80019. Nokkur fleiri
mjög álitleg naut voru valin til áframhaldandi notkunar.
Árið 1986 var ákveðið, að á hverju ári skyldi verðlauna þann bónda,
sem léti Nautastöðinni í té það naut, seni talið væri best í árgangi að
lokinni afkvæmarannsókn. Úr árgangi nauta frá árinu 1980 var þessi
viðurkenning veitt vegna Dálks 80014. Á aðalfundi félags kúabænda í
Eyjafirði afhenti Guðmundur Steindórsson Inga Þór Ingimarssyni á
Neðri-Dálksstöðum á Svalbarðsströnd verðlaunaskjöldinn.
Nautgripasýningar. Árið 1987 fóru fram nautgripasýningar samkvæmt
búfjárræktarlögum á Suðurlandi. Þessar sýningar fóru fram í mars,apríl og
maí. Aðstoðarmaður minn á öllum þessum sýningum var Sveinn Sigur-
mundsson, ráðunautur Bsb. Suðurlands. Þátttaka í þessum sýningum var
mjög almenn og mikil og voru samtals sýndar 1334 kýr, sem eru verulega
fleiri kýr en sýndar voru í síöustu sýningaumferð fyrir fjórum árum.
Kvíguskoöun. Auk þeirra upplýsinga, sem fást úr skýrslum nautgripa-
ræktarfélaganna, eru afkvæmadómar nautanna einnig byggðir á upplýs-
ingum, sem fást við reglulega skoðun á ákveðnum fjölda dætra þeirra.
Stefnt er að því að hið minnsta séu skoðaðar 30 dætur undan hverju nauti.
Árið 1987 þurfti að ljúka skoðun á dætrum þeirra nauta, sem fædd eru árið
1981. Fyrstu kvígurnar undan þessum nautum voru dæmdar á kúasýning-
um á Vesturlandi á árinu 1986 og við kvíguskoöun í Eyjafirði síðla á því
ári. Jafnhliða kúasýningum á árinu 1987 fór síðan fram skoðun á dætrum
bessara nauta. Þegar sýningum var lokið kom í ljós, að nægur fjöldi dætra
4
49