Búnaðarrit - 01.01.1988, Side 53

Skýrsluhald í loðdýrarækt.
Aðeins hef ég á árinu komið að úrvinnslu á skýrslum í loðdýrarækt, en
Halldór Árnason og Guðlaug Eyþórsdóttir hafa þó annast það verkefni að
mestu í ágætri samvinnu við S.Í.L., en Álfhildur Ólafsdóttir vinnur að
verkefninu frá þess hendi. Á árinu 1987 var farið að reikna einkunnir fyrir
alla hvolpa fyrir frjósemi, þar sem byggt er á upplýsingum um ætterni
þeirra. í þessu var byggt á norska loðdýraskýrsluhaldinu, þar sem Einar
Jón Einarsson hefur byggt upp slíkt einkunnakerfi. Þá var smávegis unnið
við úrvinnslu á skýrslum um loðdýrasæðingar fyrir Kjartan Hreinsson,
starfsmann S.Í.L.
Landbúnaðarsýningin Bú ’ 87.
Nokkur verkefni voru í tengslum við landbúnaðarsýninguna í ágústmán-
uði. Ekki var talið gerlegt að standa þar að jafn stórum búfjársýningum og
verið hafa á fyrri hliðstæðum sýningum. Þarna voru sýnd tvö naut frá
Nautastöðinni á Hvanneyri, Spori 84022 og Stakkur 85004, en þeir höfðu
báðir verið aldir um nokkurra mánaða skeið eftir að sæðistöku úr þeim
lauk. Þetta voru því alltilkomumiklir gripir. Þá önnuðust Stefán Tryggva-
son og Inga Árnadóttir á Skrauthólum sýningu á nokkrum mjólkurkúm,
sem þarna voru mjólkaðar í opnu fjósi allan sýningartímann. Þá var haldin
sýning á hópi úrvalskúa af Suðurlandi 17. ágúst. Þar voru sýndar 13 kýr og
var val þeirra miðað við að þær væru af takmörkuðu svæði. Kýrnar voru
sóttar að loknum morgunmjöltum og skilað til baka heim fyrir kvöldmjalt-
ir. Þarna voru mættar til leiks besta kýrin af hvoru nautgripasambands-
svæðinu á Suðurlandi og voru þær sérstaklega verðlaunaðar á þessari
sýningu. Var þetta einkar glæsilegur hópur gripa, sem þarna var mættur til
leiks, og sýningin mjög glæsileg og ágætlega heppnuð að öðru leyti en því,
að hún var ekki auglýst sem skyldi og því mættu þar færri bændur en ella
hefði mátt vænta.
Þá tók ég aðeins þátt í undirbúningsvinnu vegna hagdeildar og tölvu-
deildar á sýningunni.
Fundahöld.
I framhaldi af mörgum kúasýninganna á Suðurlandi voru haldnir fundir í
viðkomandi nautgriparæktafélögum. Þar var gerð grein fyrir niðurstöðum
sýninganna og rætt um nautgriparæktina almennt. Vegna þess hve
snemma árs sýningarnar voru haldnar voru þetta jafnframt í sumum
tilvikum aðalfundur viökomandi félags. Þann 16. nóvember gekkst
nautgriparæktarsamband V.-Skaftafellssýslu og Rangárvallasýslu fyrir
fundi í Félagslundi í Vestur- Eyjafjallahreppi, þar sem gerð var grein fyrir
sýningum á starfssvæðinu fyrr á árinu. Þann 25. nóvember gekkst
51