Búnaðarrit - 01.01.1988, Page 55

erfðavísi fyrir frjósemi, sem greinilega á eftir að vekja mikla athygli á
næstu árum.
Nefndarstörf.
Fyrri hluta ársins starfaði ég í nefnd um þróun sauðfjárræktar á vegum
landbúnaðarráðuneytisins, sem var undir forystu Bjarna Guðmundssonar.
Var ég tilnefndur þar til starfa af stjórn Búnaðarfélagsins. Skýrsla sú, sem
nefndin skilaði til landbúnaðarráðherra, hefur vakið nokkra umræðu.
Aldrei hefur verið meiri þörf á markvissri umræðu um vanda þessarar at-
vinnugreinar. Tel ég að þar geti áðurnefnd skýrsla orðið að gagni þó að
augljóst sé að niðurstöður hljóti að verða umdeildar eþli málsins
samkvæmt.
Ég starfaði sem aðstoðarmaður búfjárræktarnefndar á meðan Búnaðar-
þing starfaði.
Undir lok ársins var ég skipaður í nefnd á vegum landbúnaðarráðu-
neytisins, sem falið er að fjalla um skipulag og framtíðarþróun leiðbein-
ingaþjónustu í landbúnaði. Nefndin er undir forystu Jóns Hólm Stefáns-
sonar, en nefndarmenn eru tilnefndir beint af landbúnaðarráðherra.
Ég starfaði í vinnuhópi, sem falið var að endurskoða skýrslugerð vegna
mjólkurframleiðslunnar á vegum Framleiðsluráðs. Nefndin gerði tillögur
um endurbætur á skýrslugerðinni.
Ég sit reglulega fundi framkvæmdanefndar Samtaka mjólkuriðnaðarins
(SAM) og Framleiðsluráðs, þar sem rædd eru ýmis atriði sem tengjast
framkvæmd mjólkurhluta búvörusamningsins.
Ég sit í nefnd, sem skipuð var á haustdögum á vegum Framleiðsluráðs,
til að fjalla um ýmis vandamál sem tengjast fitu í dilkakjöti og mati á
fitusöfnun.
Ég sat fundi í vinnuhópi um skýrsluhald í svínarækt.
Þá hef ég mætt á fjölmörgum fundum með ýmsum starfsnefndum á
vegum Framleiðsluráðs og Stéttarsambands bænda, sem hér verður ekki
talið.
Að lokum vil ég þakka hinum ótölulega fjölda samstarfsmanna á síðasta
ári í hópi bænda, héraðsráðunauta, starfsmanna landbúnaðarins bæði hér í
Bændahöllinni og annars staðar. Við þessi áramót ber sérstaklega að
nefna þá starfsmenn bændasamtakanna Gunnar Guðbjartsson, Inga
Tryggvason og Árna Jónasson, sem nú hverfa frá störfum, en hafa á
undangengnum árum unnið íslenskum landbúnaði ómetanlegt starf við
örðugar aðstæður. Mér ber þó sérstaklega að þakka samstarf við starfsfólk
í tölvudeild Búnaðarfélagsins, sem ætíð hefur gengið að úrlausn aðkallandi
verkefna af mikilli samviskusemi.
Á nýársdag 1988,
Jón Viðar Jónmundsson.
53