Búnaðarrit - 01.01.1988, Page 57

ingar skrokkanna, heldur farið of einhliða eftir mældri fituþykkt á síðu.
Þessi gagnrýni á örugglega við rök að styðjast, en nú er unnið að athugun á
þessum málum á vegum Framleiðsluráðs landbúnaðarins og tek ég þátt í
því starfi.
Hrúta- og afkvæmasýningar. Aðalsýningar á sauðfé skv. búfjárræktar-
lögum voru nú haldnar á Suðurlandi, frá Skeiðará að Hvalfirði. Auk þess
var boðið upp á afkvæmasýningar á Austurlandi og í Þingeyjarsýslum.
Sýningarnar hófust 15. september og lauk þeim 23. október. Eg var aðal-
dómari á sýningum í 21 hreppi af 34 á Suðurlandi, en Hjalti Gestsson og
Jón Viðar Jónmundsson dæmdu á öðrum sýningum. í Gullbringu- og
Kjósarsýslu, að meðtöldum kaupstöðum, voru haldnar 8 hrútasýningar og
dæmdi ég á 7 sýningum, en Jón Viðar á einni. Afkvæmasýningar voru
fáar. Á Suðurlandi dæmdi ég 9 ær og 2 hrúta með afkvæmum, en Jón
Viðar dæmdi 2 afkvæmahópa í Norður-Þingeyjarsýslu.
Afkvœmarannsóknir fóru fram í Borgarfirði, á Snæfellsnesi og Strönd-
um, í Vestur-Húnavatnssýslu, Eyjafirði, Norður-Þingeyjarsýslu, Vestur-
Skaftafellssýslu, Rangárvallasýslu og Árnessýslu. Þátttaka í þessari starf-
semi var nú nokkru meiri en undanfarin ár, og merki ég vaxandi áhuga
bænda á að nýta þessa þjónustu. Auk mín önnuðust kjötmælingar þeir Jón
Viðar Jónmundsson, Stefán Sch. Thorsteinsson, Ólafur G. Vagnsson,
Guðmundur Sigurðsson, Þórður Sigurjónsson og Gunnar Þórarinsson.
Haustið 1986 voru framkvæmdar fitumælingar á flestum lömbum, sem
slátrað var frá nokkrum völdum bæjum, nánar tiltekið Gilsbakka í
Borgarfirði, Leirhöfn á Sléttu, Holti og Syðra-Álandi í Þistilfirði. Þessar
mælingar voru endurteknar á lömbum frá sömu bæjum s.l. haust.
Niðurstöðurnar sýna gott samræmi milli afkvæmahópa sömu hrúta bæði
árin og eru enn ein staðfesting þess, að ná megi árangri í úrvali gegn
fitusöfnun, sé skipulega að því staðið. Hjá Fjárræktarfélagi Kirkju-
hvammshrepps fóru fram sams konar mælingar á fituþykkt dilkakjöts í
sláturhúsi, sem unnið er úr hjá Búnaðarfélagi íslands. Auknar afkvæma-
rannsóknir með kjötmælingum eru meðal allra mikilvægustu verkefna í
sauðfjárkynbótum með tilliti til kjötgæða.
Fjárrœktarfélög og skýrsluhald. Uppgjör á skýrslum fjárræktarfélag-
anna fyrir 1986 önnuðust Jón Viðar Jónmundsson og Halldór Árnason
ásamt starfsfólki skýrsluvélaþjónustu B.í. Skýrslur bárust frá 1108 aðilum
og voru skýrslufærðar ær samtals 193.470. Fædd lömb eftir hverjar 100 ær
voru 171, og af þeim komu 157 til nytja. Afurðir eftir tvílembu voru 29,5
kg, eftir einlentbu 17,3 kg, eftir á með lambi 25,7 kg og eftir hverja á 23,9
kg-
Þátttaka í skýrsluhaldinu er megin forsenda fyrir árangursríku kynbóta-
starfi; í starfi mínu brýni ég hvað harðast fyrir bændum að efla starf fjár-
ræktarfélaganna, en auk þess að nýta sér sæðingarnar, taka upp afkvæma-
55