Búnaðarrit - 01.01.1988, Síða 58
rannsóknir og stunda sauðfjársýningar, ekki síst að fá dæmda lambhrúta til
ásetnings.
Kynbótanefndin og sauðfjársœðingar. Kynbótanefnd sauðfjárræktar
kom saman tvisvar á árinu. Það er nú orðinn fastur liður, að nefndin hittist
á Hesti í lok september, fylgist með kynbótastarfinu þar og velji hrúta til
sæðinga, ef ástæða þykir til og leyfi fæst frá Sauðfjársjúkdómanefnd.
Verkefni nefndarinnar s.l. tvö ár hefur fyrst og fremst verið að úthluta
sæðingahrútum á stöðvarnar þrjár og móta áherslur í kynbótastarfinu.
Verulegur samdráttur varð í sæðingum veturinn 1986—1987 og virðist ætla
að verða framhald þar á í vetur. Möðruvallastöðin varð fyrir því áfalli s.l.
haust, að upp kom garnaveiki í einum hrút. Varð af þessum sökum að lóga
nokkrum hrútum, og enn fremur voru færri nýir hrútar teknir inn en ella.
Hrútaval var því minna á Möðruvöllum nú en áður og þátttaka í sæðingum
verulega minni.
Fundir og ferðalög. Auk ferðalaga vegna sauðfjársýninga og ferða til að
skoða og velja hrúta fyrir sæðingastöðvarnar, mætti ég á nokkrum fundum
utan Reykjavíkur á árinu, þó miklum mun færri en árið áður. Þeir voru
sem hér segir:
í apríl: Almennir bændafundir í Öxarfirði og Þistilfirði. Aðalfundir
félaga sauðfjárbænda í Skagafirði og í Austur-Húnavatnssýslu. Fundir um
niðurskurð á Blönduósi og í Svínavatnshreppi.
í maí: Fundir í fjárræktarfélögum Lundarreykjadals og Reykholtsdals.
í ágúst: Aðalfundur Landssamtaka sauðfjárbænda og fundur í Fjárrækt-
arfélagi Kirkjuhvammshrepps.
í nóvember: Fundur formanna fjárræktarfélaga á Suðurlandi, sem að
þessu sinni var haldinn í Skógum.
A öllum ofangreindum fundum flutti ég erindi um sauðfjárrækt, sér-
staklega um kynbætur og meðferð fjár með tilliti til kjötgæða og um kjöt-
matið sjálft.
Ég sótti á árinu fjölda funda í Reykjavík, en nefni hér aðeins þann
merkasta, fræðafund til minningar um Halldór heitinn Pálsson, sem hald-
inn var dagana 18. og 19. ágúst. Þar voru fluttir átta fyrirlestrar um
lífeðlisfræði, fóðrun, beit og kjötgæði sauðfjár, þrjá þeirra fluttu erlendir
gestir, sem til þess voru boðnir, en fundinn sóttu tólf útlendingar og tugir
íslendinga. í tengslum við þennan fund var tilkynnt um stofnun Minning-
arsjóðs dr. Halldórs Pálssonar, sem undirbúinn var á árinu. Auk þátttöku í
undirbúningi fundarins og sjóðsstofnuninni, flutti ég eitt erindið og var
meðhöfundur að öðru, en vísa til starfsskýrslu Ólafs R. Dýrmundssonar
um ýtarlegri lýsingu á starfi þessu, sem hann hefur að stórum hluta veitt
forstöðu.
Utanlandsferðir. I mars þáði ég boð um að sitja afmælisfund norska
sauðfjár- og geitaræktarsambandsins, sem varð 40 ára. Var fundurinn
56