Búnaðarrit - 01.01.1988, Qupperneq 59

allur hinn glæsilegasti og bar vitni mjög öflugu starfi þessara samtaka. Ég
heimsótti háskólann að Asi, þar sem Jon Nedkvitne o.fl. sýndu mér búfé
og tilraunaaðstöðu og skýrðu frá helstu sauðfjárrannsóknum, sem þar eru
í gangi. Þá dvaldist ég einn dag hjá NKF, þ.e. norska kjötsölusambandinu,
sem einnig verslar með ullina og er eitt um alla þessa verslun í Noregi.
Þarna kynnti ég mér sérstaklega kjötmat og ullarmat, verðmyndun og
verðlagningu þessara afurða.
í septemberlok sótti ég ársfund Búfjárræktarsambands Evrópu í Lissa-
bon og flutti þar yfirlitserindi um áhrif mismunandi haustbeitar á vöxt og
kjötgæði lamba.
Nefndarstörf og önnur störf. Á árinu gegndi ég áfram formennsku í
kynbótanefnd sauðfjárræktar og sat í Markaðsnefnd landbúnaðarins af
hálfu Búnaðarfélags íslands. Þá tek ég þátt í starfshópi á vegum Fram-
leiðsluráðs landbúnaðarsins, sem falið er að athuga ýmsa þætti kjötmats
og gera tillögur um verðhlutföll mismunandi gæðaflokka dilkakjöts.
Síðast liðið haust skipulagði ég heimsókn dr. J.P.Hanrahan frá írlandi
hingað til lands, en hann var fenginn í samvinnu Rala og Búnaðarfélags
Islands til að kenna hér tækni (laparoscopy) við talningu egglosa í ám. Dr.
Hanrahan hafði kynnt þessa tækni og notagildi hennar á áðurgreindum
minningarfundi Halldórs Pálssonar og var samstarf við hann rætt þá. Þessi
aðferð getur haft margþætt gildi, en gerir m.a. kleift að áætla tíðni
fósturdauða í ám. Dr. Hanrahan var hér 13.—18. desember og taldi egglos
í ám bæði á Hesti og Skriðuklaustri.
Samhliða starfi mínu hjá Búnaðarfélagi íslands er ég áfram í 75 % starfi
hjá Rala og kenndi á árinu 16 kennslustundir í búvísindadeildinni á
Hvanneyri.
Ég þakka bændum, héraðsráðunautum og ekki síst samstarfsfólki mínu í
Búnaðarfélagi íslands ágætt samstarf á árinu.
14. janúar 1988,
Sigurgeir Þorgeirsson