Búnaðarrit - 01.01.1988, Page 62

sem eflist stöðugt. Halldórs er víða minnst með virðingu og þökk, bæði
innanlands og utan.
Geitfjárræktin. Ásettar geitur haustið 1986 voru samtals 274 og hefur
þeim fækkað nokkuð í tengslum við niðurskurð á sauðfé. Geitaeigendur
eru í flestum sýslum landsins, samtals 47 með 1 — 23 hver. Skýrsluárið
1985—1986 skiluðu 40 geitaeigendur skýrslum fyrir samtals 273 geitur og
var stofnverndarframlag á ásetta geit kr. 1200. Að venju fengu allir geita-
eigendur send skýrslueyðublöð, en í samræmi við búfjárræktarlögin fá
aðeins þeir geitaeigendur framlag sem senda Búnaðarfélagi íslands full-
gildar skýrslur. Á miðju ári óskaði Rannsóknastofnun landbúnaðarins
eftir aðild Búnaðarfélags íslands að gerð rannsóknar- og þróunaráætlunar
í geitfjárrækt. Stjórn Búnaðarfélags íslands fól mér að ganga til þessa
samstarfs, en fé hefur skort til framkvæmda.
Búnaðarþátturinn. Svo sem fram kom í síðustu starfsskýrslu tók ég við
umsjón búnaðarþáttar Ríkisútvarpsins vorið 1986. Á árinu 1987 urðu
þættirnir alls 50 að tölu, þriðjungur viðtöl en erindi að tveim þriðju
hlutum. Efnið var fjölbreytilegt að vanda með áherslu á nýbúgreinar.
Hinum fjölmörgu innan og utan Búnaðarfélagsins, sem Iögðu mér lið, færi
ég bestu þakkir. Samstarfið við starfsfólk Ríkisútvarpsins var með
ágætum.
Onnur störf. I tengslum við störf mín í Markanefnd, og í samræmi við
lögboðna umsjón Búnaðarfélags íslands með tölvuskráningu marka og
samræmingu í gerð og útgáfu markaskráa, hafði ég vaxandi samskipti við
markaverði um land allt þegar leið á árið. Tölvudeildin lauk skráningu
allra marka úr síðustu markaskrám ásamt viðaukum fyrir árslok sam-
kvæmt áætlun. Nú er mikið starf fyrir höndum vegna undirbúnings að út-
gáfu markaskráa, sem skulu koma út um land allt á árinu 1988. Sem fyrr
aðstoðaði ég nokkra erlenda gesti, sinnti bréfaskriftum vegna samskipta
við Búfjárræktarsamband Evrópu og veitti fyrirgreiðslu af ýmsu tagi fyrir
námsfólk í landbúnaði og skyldum greinum. Nokkrar erlendar fyrirspurnir
bárust um möguleika á útflutningi sauðfjár og geita, sem ég fékk til
meðferðar. Að venju yfirfór ég drög af fjallskilareglugerðum, sem bárust
til umsagnar frá landbúnaðarráðuneytinu. Á miðju ári sat ég í samninga-
nefnd vegna kjarasamninga ráðunauta Búnaðarfélags íslands (landsráðu-
nauta) og seint á árinu var ég kjörinn í nefnd landsráðunauta, sem vinnur
að könnun á starfsemi félagsins. Eg tók þátt í prófdæmingu aðalverkefna
við Búvísindadeildina á Hvanneyri, en í frítíma annaðist ég kennslu í
sauðfjárrækt fyrir Bréfaskólann og flutti nokkra fyrirlestra um búfjárfram-
leiðslu fyrir matvælafræðinema í Háskóla íslands.
Stjórn Búnaðafélags íslands, búnaðarmálastjóra og öðru starfsfólki
félagsins þakka ég ágætt samstarf.
y. janudr i‘«H. Ólafur R. Dýrmundsson
60