Búnaðarrit - 01.01.1988, Side 64

var ég allskostar ánægður með dóm heimamanna á trippunum. Nokkrar
hryssur fengu reisupassa í sláturhús í Belgíu.
Ég heimsótti Hólabúið 6. nóvember og mældi ungviðið. Þar tel ég vera
svo fallegt stóð og vel haldið að hvergi sé betra um útlit og meðferð.
Folöld eru flest undan Byl 892, Kolkuósi, og Fylki 962, Hafsteinsstöðum.
Glæsileg var frammistaða Sigurbjörns Bárðarsonar og Brjáns (áður
Bárður), f. ’80 frá Hólabúi, er þeir urðu heimsmeistarar í tölti á mótinu í
Austurríki í sumar. Brjánn er undan Þætti 722, Kirkjubæ, og Brynju 3224
á Hólum (frá Kolkuósi), sem er 1. verðlauna hryssa úr elsta hópnum.
Fundi með kynbótanefnd hrossakynbótabúsins sat ég 15. apríl og 6.
nóvember.
Skuggafélagið heimsótti ég og mældi unghross þeirra á Skörðugili 5. og
8. nóv. og í Borgarfirði 16. nóv.
Hjá Fjalla-Blesa félögum sat ég tvo fundi og skoðaði hross 1. maí og 25.
nóv. Félagar sitja í sama farinu og ná ekki nógum framförum.
Kleifahrossin skoðaði ég 7. maí. Þar eru góð trippi innan um og aðstaða
batnandi við hrossahald með myndarlegu húsi, sem reist var í fyrra á
Heinabergi. Starfi þeirra til styrktar var tekinn 1 vetra grár foli á
Stóðhestastöð í haust undan Gáska 920, Hofsstöðum, og Glettni 4776,
Kleifum (2. verðlaun).
Fjórðungsmóti nú á Melgerðismelum verður gerð skil í „Hrossaræktin
3“.,
Útflutningsmálum fylgist ég lítið með, en er óánægður yfir að þeirri
aðferð skuli beitt að senda út hópa, já, heilu árgangana, af unghryssum frá
ágætum hrossabæjum á slikkverði. Það er nýja aðferðin til að ná kynbóta-
hrossum út úr landinu. Því ekki að hætta útflutningi á ótömdum hrossum,
en leyfa landanum að skoða dæmið fyrst, er hrossin hafa verið tamin og
skapa um leið verkefni sívaxandi stétt tamningamanna, og stunda þennan
iðnað í fallandi viðgangi sveitanna. Nei, „gefa, gefa“ — stefnan mælist vel
fyrir. Nú eru elstu tamningamenn og þekktir keppendur íslenskra gæðinga
í röðum Islendinga á erlendri grund farnir að láta þá skoðun í ljósi, að
varhugavert sé að selja svo marga gæðinga, einkum skeiðhesta, til út-
landa. Ef að þetta sjónarmið þeirra er rétt og heilbrigt hvað þá um stefnu
mína um takmörkun og vel yfirvegaðar aðgerðir í útflutningi kynbóta-
hrossa ? Er nú ekki að koma í ljós að þessu þarf að stjórna, óskipulega
getur þetta ekki gengið lengur.
Alls munu hafa verið seld úr 607 hross, þar af 18 stóðhestar og 38
hryssur.
Um Stóðhestastöðina er rituð sétstök skýrsla og birtar fundargerðir frá
kynbóta- og sýninganefndum.
Helgi Eggertsson hefur látið af störfum sem stjórnandi stövarinnar.
Hans störf hafa verið prýðileg og færi ég honum bestu þakkir fyrir störfin
og góða samvinnu með framtíðaróskum.
62