Búnaðarrit - 01.01.1988, Page 71
algjöra virðingarleysi að hundsa félgsfund hestamannafélaganna, er eiga
Melgerðismela í Eyjafirði, en stjórn LH var boðuð til þess fundar, sem
haldinn var á Hótel KEA 31. ágúst. Á þeim tíma er enn lifðu þrjár vikur til
ársþings LH trúði ég þó ekki öðru í hjarta mínu en málið yrði farsællega
leyst á ársþinginu á Selfossi, en hvað gerði stjórnin? Eg vil benda
lesendum á ritstjórnarspjall KristjánsGuðmundssonar, bæjarstjóra og um
margra ára skeið varaformanns LH, í 5. tbl. Hestsins okkar 1987, er
nefnist Undanhald. Við þau orð er hægt að bæta, en þau eru ein sér
nægjanlegt umhugsunarefni.
Önnur störf.
Þar eð ég er einungis í hálfu starfi hjá Búnaðarfélagi íslands vinn ég að
fleiri verkefnum. I fyrravetur (janúar) lauk ég kennslu við Bændaskólann
á Hólum, sjá síðustu ársskýrslu. I fyrravetur og nú í vetur hef ég kennt
lítillega um hrossakynbætur við búvísindadeildina á Hvanneyri. Eg er
ráðinn af Búnaðarsambandi Eyjafjarðar til að sinna hrossaræktinni á
félagssvæði þess og starfa með stjórn Hrossaræktarsambands Eyfirðinga
og Þingeyinga. Einnig mætti hér geta starfa viðkomandi eigin hesta-
mennsku og hrossahaldi.
Ég þakka stjórn Búnaðarfélags íslands, búnaðarmálastjóra, samstarfs-
mönnum og öllum þeim, sem ég hef átt samskipti við á árinu, góða sam-
vinnu.
Akurcyri 3. janúar 1988,
Kristinn Hugason.
69