Búnaðarrit - 01.01.1988, Side 74

Svínarœktarráðunauturmn
Á árinu 1987 var starf mitt tvíþætt eins og
undanfarin ár. Annars vegar starfa ég sem
ráðunautur í svínarækt hjá Búnaðarfélagi
íslands og hins vegar sem sérfræðingur í
svínarækt hjá Rannsóknastofnun landbún-
aðarins. Skrifstofa mín er eins og áður í húsi
Rannsóknastofnunar landbúnaðarins að
Keldnaholti. Starf mitt sem ráðunautur var
með líku sniði og undanfarin ár. Fjölmargir
aðilar svo sem bændur, sláturleyfishafar og
ýmsir áhugamenn um íslenskan landbúnað
komu á skrifstofu mína eða höfðu samband
Pétur Sigtryggsson vjö mig símleiðis til þess að fá upplýsingar
um svínarækt.
í Frey skrifaði ég á árinu 1987 eftirfarandi greinar:
„Fóðrun svína“(bls. 194—196), „Svínaslátrun 1986“(bls. 390-395), „Fjöldi
svína og svínabúa 1980—1986“(bls. 513—517), „Framleiðsluspár fyrir
svínarækt árin 1983—1987“(bls. 592—594), „Kartöflur og kartöfluúr-
gangur handa svínum“(bls. 639—641) og „Fóður úr mjólkuriðnaði handa
svínum“ (bls. 876—877). Á ráðunautafundi í febrúar 1987 hélt ég erindi
um nýtingu á innlendum hráefnum handa svínum og er þetta erindi birt í
ritinu Ráðunautafundur 1987.
Á árinu 1987 kenndi ég nokkra tíma svínarækt við bænda- og búvísinda-
deild Bændaskólans á Hvanneyri. Námsefnið var um svínarækt almennt
þó einkum um nauðsyn þess að verðandi bændur öfluðu sér þekkingar á
þeim búgreinum, sem þeir ætla sér að stunda.
Auk venjulegra ráðunautastarfa voru eftirfarandi verkefni framkvæmd
á árinu, en þar fara saman störf mín sem ráðunautur og sérfræðingur í
svínarækt:
1) Gerð var skýrsla yfir svínaslátrun 1986, byggð á gögnum frá Fram-
leiðsluráði landbúnaðarins og skýrslum sláturleyfishafa. I skýrslu þessari
eru upplýsingar m.a. um áætlað heildarverðmæti svínakjötsframleiðslunn-
ar á árinu 1986, fjölda slátraöra svína og svínakjötsframleiðsluna hjá
hinum ýmsu sláturleyfishöfum, kjötflokkun og óseldar birgðir á árunum
1982—1986. Upplýsingar, sem er að finna í þessari skýrslu, cru nauðsyn-
legar til að fylgjast með þeim breytingum, sem verða á þessari framleiðslu
frá ári til árs.
72