Búnaðarrit - 01.01.1988, Blaðsíða 86
Loðkanínuræktin
Samkvæmt samningi milli Búnaðarfélags
íslands og Bændaskólans á Hvanneyri tók ég
að mér leiðbeiningaþjónustu í kanínurækt
sem 1/3 úr starfi frá 1. maí 1987.
Fyrstu mánuðina var starfið einkum fólgið
í að veita upplýsingar í síma, svara fyrir-
spurnum og ráðgjöf.
Mjög margir eru ný byrjaðir í þessari
búgrein, og mikill skortur er á fræðsluefni
um þetta efni.
Eg tók saman og fjölritaði lítinn kynning-
arbækling, sem ég nefndi „Stiklað á stóru í
kanínurækt“. Par er drepið á helstu atriði
um loðkanínurækt, og sett fram lausleg kostnaðar- og rekstraráætlun við
að koma af stað loðkanínubúi.
Bækling þennan sendi ég síðan þeim, sem leituðu til mín um upplýsingar
í kanínurækt, til viðbótar þeim upplýsingum, sem ég gat veitt í síma.
Einnig vann ég að hönnun og gerð skýrslueyðublaða til notkunar fyrir
loðkanínubændur. Skýrsluhald er alger forsenda fyrir árangri í kanínu-
rækt. Eg hefi einnig gert tillögu um samræmt (númera) kerfi til merkinga á
kanínum (tattóveringu í eyra), sem æskilegt væri að sem flestir kanínu-
bændur tækju upp.
Ég hefi mætt á allmarga fundi hjá hreppabúnaðarfélögum og sam-
tökum, svo sem atvinnumálanefnd Andakílshrepps, Rotaryklúbbi Borgar-
fjarðar o.fl. og flutt erindi og svarað fyrirspurnum um loðkanínurækt.
í júlí og ágúst ferðaðist ég allvíða um Suður- og Norðurland, hélt fundi
og heimsótti kanínuræktendur. Einkum var leiðbeint um fóðrun,
innréttingar kanínuhúsa, flokkun og meðferð kanínuullar og val lífdýra.
Niðurstaða mín eftir þessa ferð er sú, að margir kanínubændur eru búnir
að ná allgóðum tökum á framleiðslunni, en aðrir hafa orðið fyrir
talsverðum skakkaföllum, sem bæta má verulega úr með auknum
leiðbeiningum.
Ég hefi mætt á nokkrum fundum með stjórn Landssambands kanínu-
bænda.
Einnig aðstoðaði ég Landssambandið við uppsetningu kanínudeildar-
innar á Landbúnaðarsýningunni, og starfaði og veitti upplýsingar þar alla
Ingimar Sveinsson
84