Búnaðarrit - 01.01.1988, Page 88

Hlunninda- og landnýtingarráðunauturinn
Á árinu, sem rétt er liðið, var undirrituð
aðeins starfandi mánuðina ágúst og septem-
ber. Hina mánuði ársins var ég í starfsleyfi
og dvaldist við framhaldsnám í Bandaríkj-
unum.
Þegar undirrituð kom til starfa í ágústbyrj-
un stóð BÚ ’87 fyrir dyrum og fór drjúgur
tími framan af mánuðinum í undirbúning
sýningarinnar.
Beitarskráin fór út á tilsettum tíma
haustið 1986, hafði um helmingur eyðublað-
anna skilað sér um mánaðamótin júlí—
ágúst. Hafði ég samband við þær sveita-
stjórnir sem til náðist, bæði þeirra sem höfðu skilað og þeirra er áttu eftir
að svara spurningum, sem óhjákvæmilega komu upp varðandi skýrslu-
haldið. Eyðublöð voru send um 40 sveitastjórnum á nýjan leik á síðast
liðnu hausti.
í ágústmánuði var einnig fluttur búnaðarþáttur í útvarpið um beitarmál
og farið í beitartilraunir á Auðkúluheiði ásamt starfsmönnum Rala.
Um mánaðamótin ágúst—-september var farið í gróðurskoðunarferð
ásamt Landgræðslu ríkisins og Rala um afrétti Mývetninga, en þeir afréttir
voru mjög til umræðu á síðast liðnu sumri.
Laugardaginn 5. september sat undirrituð bændahátíð Strandamanna og
flutti þar stutta tölu. Tókst hátíðin hið besta og var mjög ánægjulegt að
sækja Strandamenn heim.
Aðra viku í september fór ég ásamt Aðalbirni Benediktssyni við þriðja
mann inn á Arnarvatnsheiði. Var ferðin farin í samráði við Veiðimála-
stofnun og tilgangur hennar að kanna ástand silungastofnsins í Arnarvatni
stóra. Sýnin voru send Norðurlandsdeild Veiðimálastofnunar á Hólum í
Hjaltadal til greiningar.
Um miðjan september fór undirrituð í ferð með líffræðinemum við Há-
skóla íslands um Biskupstungnaafrétt og Auðkúluheiði og kenndi undir-
stöðuatriði landnýtingar og beitarstjórnar.
Eg þakka starfsfólki B.I. og öðru samstarfsfólki ánægjulegt samstarf á
árinu. með ósk um hið sama á nýbyrjuðu ári.
Reykjavík í janúar 1988,
Anna Guðrún Þórhallsdóttir
86