Búnaðarrit - 01.01.1988, Blaðsíða 92
Byggmgd- og bútœkniráðunauturinn
Skrifstofustörf og teikningar
Margir bændur leituðu til mín með fyrir-
spurnir um ýmislegt varðandi landbúnaðar-
byggingar og tæknibúnað. Mikið var byggt
af minkaskálum á þessu ári. Ég teiknaði
marga þeirra og má þar sérstaklega nefna
verkefni, sem ég vann fyrir hóp bænda
norðanlands. Hópur bænda í Húnavatnssýsl-
um ákvað að hafa samflot um að leita til-
boða í efni í minkahús. Leituðu þeir til mín
um ráðleggingar í þessu máli. Varð úr að ég
hannaði fyrir þá staðlaðan minkaskála þann-
Magnus Sigsieinsson jg að allir gætu byggt eftir sama fyrirkomu-
lagi. Forsprakki þessa hóps var Gísli Pálsson á Hofi í Vatnsdal. Um það
leyti, sem hönnun var lokið og komið að útboði efnis, höfðu ýmsir aðrir
bændur frétt af þessu framtaki og óskuðu eftir að fá að vera með. Voru því
alls í útboðinu 28 minkaskálar, flestir 750 m2 að stærð. Ákaflega naumur
tími gafst mér til að vinna útboðsgögn, en engu að síður bárust mörg mjög
hagstæð tilboð. Lægsta tilboð í efni átti Byggingavörudeild SÍS ásamt
Kaupfélagi Austur-Húnvetninga á Blönduósi og Kaupfélagi Skagfirðinga
á Sauðárkróki. Var samið við þá um allt efni í skálana.
Með þessu útboði tókst að lækka efniskostnaðinn verulega og nutu
reyndar fleiri minkahúsabyggjendur góðs af því síðar í hagstæðu efnis-
verði. Þetta var því hið ánægjulegasta verkefni að fást við. Alls er nú búið
að byggja u.þ.b. 40 minkaskála eftir þessari teikningu minni.
Ég teiknaði súgþurrkunarkerfi í 18 hlöður, sem er mun minna en undan-
farin ár. Þá teiknaði ég hesthús fyrir Stóðhestastöðina í Gunnarsholti og
nokkur fleiri gripahús auk minkahúsanna, sem áður er minnst á.
Ég sat í undirbúningsnefnd ráðunautafundar, sem haldinn var 10. til 13.
febrúar, og í stjórn Reiðhallarinnar hf. sem fulltrúi bændasamtakanna
fram að aðalfundi 9. apríl. Kom þá Gunnlaugur Júlíusson í minn stað.
Ferðalög
Flest ferðalög mín á árinu voru vegna loðdýrabygginga. „Loðdýrahúsa-
hópurinn“, sem ég hef nefnt í starfsskýrslum undanfarin ár, fór nokkrar
ferðir um Norðurland, Vesturland, Vestfirði og Suðurland til að skoða
minkahús, sem búið er að taka í notkun, gera ýmsar mælingar í þeim og
safna upplýsingum um ýmis atriði í húsunum. Slíkar skoðunarferðir eru
mjög mikilvægar vegna leiðbeiningastarfsins. Ég fór norður í Húnavatns-
90