Búnaðarrit - 01.01.1988, Page 104
um og endurbætur gerðar á aðaltölvu bændasamtakanna, en vinnsluminni
hennar var aukið með hliðsjón af vaxandi álagi. Þá var pantaður búnaður
til stækkunar disk- eða geymslurýmis tölvunnar úr 400 Mb í 758 Mb, en
afhendingu þessa búnaðar hefur seinkað. Þessi stækkun er orðin mjög
aðkallandi vegna ónógs rýmis, sem farið er að valda erfiðleikum við stærri
vinnslur.
A árinu var komið upp fjarvinnslubúnaði, sem miðar að því að gera
ráðunautum búnaðarsambandanna kleift að ná sambandi við tölvu
félagsins um gagnanet Pósts og Síma. Þar með skapast aðgangur að
margháttuðum og mikilvægum upplýsingum, sem tölvan geymir. Þessi
búnaður hefur verið í prófun af þeim Gísla Sverrissyni og Halldóri
Árnasyni og einnig á landbúnaðarsýningunni. Nokkrir hnökrar hafa verið
á notkun þessa búnaðar, en unnið er að endurbótum.
Forðagœsluskýrslur
Ég annaðist úrvinnslu forðagæsluskýrslna eins og undanfarin ár. Niður-
stöður forðagæsluskýrslna birtust í aprílhefti Hagtíðinda og 16. tbl. Freys.
Eftir að þær skýrslur eru birtar geta borist einstaka leiðréttingar, en áhrif
þeirra á heildarskýrslur eru hverfandi.
Skil forðagæsluskýrslna fyrir árið 1987 voru óvenju sein m.a. vegna hins
góða tíðarfars. Samkvæmt ósk frá Búnaðarsambandi Borgarfjarðar sat ég
fund með forðagæslumönnum á svæðinu til að leiðbeina um útfyllingu
skýrslnanna og skýra notkun þeirra. Margir sátu þann fund og hygg ég að
hann hafi verið öllum gagnlegur.
Landbúnaðarsýningin
Ég var ábyrgðarmaður þeirrar deildar á landbúnaðarsýningunni, sem
kynnti notkun tölvutækni í þágu landbúnaðar. Undirbúningurinn hvíldi að
megin hluta á herðum vinnuhóps, en í honum sátu, auk mín, þau Emma
Eyþórsdóttir, RALA, Gísli Sverrisson, BÍ, og Kristján Guðlaugsson,
Framleiðsluráði. Kynningin fólst í af eftirtöldum þáttum:
1) Saga tölvuvinnslu og helstu viðfangsefni í landbúnaði kynnt með
myndrænum hætti á skjá.
2) Kynntir nýir möguleikar í miðlun upplýsinga í landbúnaði, en gestum
gafst kostur á að ná sambandi við tölvu bændasamtakanna í Bændahöllinni
og fá fram á skjá sýnishorn af þeim upplýsingum, sem þar eru geymdar.
3) Kynning á hugbúnaði fyrir einmenningstölvur, sem unninn hefur
verið til notkunar í leiðbeiningaþjónustunni.
4) Gestum gafst kostur á að vinna með reiknilíkan, sem líkir eftir
súgþurrkun heys, og gátu fylgst með atburðarásinni á skjá.
5) Hin viðamikla vinnsla búfjárskýrslna var kynnt.
6) Lýst var með myndum hvernig gróðurkort eru unnin með hjálp tölvu.
102