Búnaðarrit - 01.01.1988, Qupperneq 106
s
II. Starfsskýrsla Halldórs Arnasonar
Á árinu 1987 voru störf mín með mjög
svipuðu sniði og undanfarin ár. Ég hafði
aðsetur hjá Bsb. Eyjafjarðar og sinnti þaðan
þeim störfum, sem viðkomu aðstoð við Bún-
aðarsamböndin á sviði tölvumála, en sinnti
jafnframt ýmsum störfum í Bændahöllinni.
Hvað viðkemur Búnaðarsamböndunum,
þá er í rauninni ekkert eitt verkefni, sem ber
hærra en önnur, nema ef vera skyldi þær
prófanir, sem við starfsmenn tölvudeildar
Búnaðarfélagsins höfum verið að gera í
sambandi við tengingu gegnum tölvunet
Pósts og Síma við tölvu Bændasamtakanna.
Því miður þá hafa þær prófanir ekki gengið allt of vel af ýmsum ástæðum,
en von er á það standi til bóta. Sökum tímaskorts hefur sú uppstokkun og
breyting, sem byrjað var á síðast liðið ár varðandi Bændabókhaldið, ekki
gengið sem skyldi, en vonandi er að úr rætist á komandi ári.
Á árinu var unnið áfram að uppbyggingu skýrsluhaldsins í loðdýrarækt,
og var lögð talsverð vinna í það, enda fjölgaði þeim búum, sem eru með
skýrsluhald, verulega, en til uppgjörs komu tæplega sexþúsund refalæður
og sautjánþúsund minkalæður. Þá vann ég dálítið að skýrsluhaldi í svína-
rækt í samvinnu við Pétur Sigtryggsson, og á árinu var uppgjör fyrir eitt bú
unnið í tilraunaskyni. Þá vann ég að ýmsum frágangi varðandi tölvuvinnslu
á uppgjöri í hrossarækt með Kristni Hugasyni. Ýmis fleiri verkefni mætti
tína til, en yrði það alltof langt mál ef allir hlutir væru tíundaðir.
Ég var eins og síðast liðið ár ritari kynbótanefndar nautgriparæktar. Um
miðjan desember fékk ég svo tækifæri ásamt Gunnari Gauta Gunnarssyni,
dýralækni í Borgarfirði, til að kynna mér tækni við talningu egglosa hjá ám
til að áætla frjósemi, en til að kynna þetta kom hingað írski lífeðlisfræðing-
urinn J. P. Hanrahan. Kann ég þeim, sem þar áttu hlut að máli, bestu
þakkir fyrir.
Að lokum vil ég þakka starfsfólki Búnaðarfélagsins og búnaðarsam-
banda fyrir ánægjulegt samstarf á árinu.
Halldór Árnason
í janúar 1988,
Haildór Arnason.
104