Búnaðarrit - 01.01.1988, Side 109

Veiðistjóri
I. Skýrsla Páls Hersteinssonar
Starfsemi áriö 1987 var með hefðbundnu
sniði. Leiðbeiningar við veiðimenn og ýmis
fyrirgreiðsla er ávallt mikilvægur hluti starf-
ans sem og skipulagning veiðiaðgerða í sam-
vinnu við sveitarstjórnir.
Refum virðist enn fjölga lítillega á vestan-
verðu landinu og nú verður fjölgunar einnig
vart á Austurlandi. Ekki er ljóst hvað veld-
ur, því að veiðar eru sennilega stundaðar af
jafnmiklum þunga nú og á meðan dýrum
fækkaði frá miðjum 6. áratugnum og fram á
8. áratuginn. í samvinnu við Tilraunastöð
Háskólans á Keldum o. fl. fara nú fram
rannsóknir á sjúkdómum og sníkjudýrum í villtum refum ef vera kynni að
niðurstöður þeirra vörpuðu einhverju ljósi á þetta atriði. Þá halda aldurs-
greiningar á veiddum refum áfram til þess að hægt sé að fylgjast með
aldursdreifingu stofnsins og ástandi hans.
Minkum hefur farið fjölgandi undanfarin ár og bendir margt til þess að
árið 1987 verði metár hvað varðar fjölda veiddra minka. Líklega hefur milt
veðurfar undanfarna vetur haft hér nokkur áhrif, sérstaklega hvað varðar
fjölda minka á hálendinu, en einnig hafa veiðar verið stundaðar af sérlega
miklu kappi í kjölfar áróðursherferðar af hendi veiðistjóraembættisins.
Veiðar á svartbaki og hrafni hafa verið stundaðar með hefðbundnum
hætti, en starfandi er nefnd á vegum menntamálaráðuneytis, er endur-
skoðar gildandi lög og reglugerðir um veiðar á þessum fuglum með svefn-
lyfjum og leitar leiða til úrbóta hvað varðar framboð á lífrænum úrgangi á
sorphaugum, frá fiskiskipum og við fiskvinnslustöðvar, sláturhús og kjöt-
vinnslur. Undirritaður er formaður nefndarinnar og mun hún skila áliti
árið 1988.
Aliminkum og blárefum fjölgar mjög í náttúrunni og virðist þar stefna í
óefni. Það er ekki lengur á færi veiðistjóraembættisins að hafa eftirlit með
því að loðdýrabú séu dýrheld. Vonir eru bundnar við að ný reglugerð um
loðdýrarækt bæti hér úr.
Veiðistjóraembættið tók þátt í landbúnaðarsýningunni Bú ’87 í Reið-
107