Búnaðarrit - 01.01.1988, Page 110
höllinni og var sýningarsvæði embættisins sameiginlegt með sýningarsvæði
hlunnindaráðunauta Búnaðarfélags íslands.
Undirritaður fylgdist með framkvæmd sæðinganámskeiðs Sambands
íslenskra loðdýraræktenda á Hóium í Hjaltadal fyrir hönd Búnaðarfélags
íslands og hélt þar fyrirlestra um litaerfðir refa og uppruna búrrefa.
Veiðistjóraembættið tók þátt í rannsóknarverkefninu „íslenska mel-
rakkanum“ eins og áður. Verkefnið rekur nú tilraunabú að Lambhaga í
Ölfusi.
Fréttabréf veiðistjóra kom út tvisvar á árinu, í maí og desember, samtals
rúmlega 100 þéttvélritaðar blaðsíður í 15 greinum eftir 7 höfunda. Hlut-
verk Fréttabréfsins er að miðla upplýsingum um starfsemi veiðistjóraemb-
ættisins, verðlaun fyrir unnin dýr og kauptaxta veiðimanna, líffræði þeirra
tegunda, sem undir embættið falla, tækni við veiðiaðferðir, meðferð
vopna og leiðir til þess að koma í veg fyrir tjón af völdum refa, minka,
svartbaka og máfa. Því er einnig ætlað að afla upplýsinga um líffræði sömu
tegunda og tækni við veiðar á þeim, sem og að vera tengiliður náttúru-
fræðinga og veiðimanna og vettvangur skoðanaskipta um stjórn íslenskra
dýrastofna.
Tvær ferðir voru farnar til útlanda á árinu. í maí hélt ég fyrirlestur um
útreikninga á stofnstærð íslenska refsins við dýrafræðideild Oxford há-
skóla í boði deildarinnar. í ágúst sótti ég ráðstefnu um rannsóknir á veiði-
dýrum (International Game Biologists’ Congress), sem fór fram í Pól-
landi, og hélt þar fyrirlestur um íslenska refinn.
Nánari upplýsingar um starfsemi veiðistjóraembættisins árið 1987 er að
finna í starfsskýrslu Þorvaldar Þórs Björnssonar hér á eftir og Fréttabréfi
veiðistjóra 3(2), 2— 10.
Ég þakka Þorvaldi Björnssyni sem og starfsmönnum Búnaðarfélags
íslands gott samstarf á árinu.
Páll Hersteinsson
108