Búnaðarrit - 01.01.1988, Qupperneq 116

Forfallaþjónusta 1987
Forfallaþjónustu í sveitum var komið á með
lögum nr. 31/1979 og tók til starfa um mitt ár
1980. Búnaðarfélag íslands fer með yfir-
stjórn hennar í umboði landbúnaðarráðu-
neytis, en búnaðarsamböndin ráða starfs-
fólk, hvert á sínu svæði. Lögin kveða á um
að ráða megi allt að 60 menn til afleysinga-
starfa á ári.
Starfsemi forfallaþjónustunnar var með
svipuðum hætti og undanfarandi ár. Tiltölu-
lega fá álitamál komu til úrskurðar hjá
stjórn Búnaðarfélags íslands.
í síðustu ársskýrslu gat ég þess að all-
margar fyrirspurnir hefðu komið um það, hvort forfallaþjónusta nái til
þeirra tilvika, þegar nauðsynlegt er talið, að foreldrar fylgi sjúkum
börnum sínum til sjúkrahúsdvalar. Stjórn Búnaðarfélags íslands úrskurð-
aði á sínum tíma, að fengnu áliti lögfræðings bændasamtakanna, að for-
failaþjónusta taki ekki til þeirra tilvika.
Með bréfi landbúnaðarráðuneytisins dags. 25. maí 1987 heimilar ráðu-
neytið að veita forfallaþjónustu í þessum tilvikum.
Starfsemi forfallaþjónustunnar varð á árinu 1987 sú mesta fram til þessa
eða rúmlega 66 ársstörf, sem er þó örlítið meira en var á árinu 1986.
Vinnuskýrslur bárust nokkuð jafnt mestan hluta ársins, en undir árslok-
in jókst aðstreymið verulega og fram í janúar 1988. Nokkur áhrif munu
þar hafa haft að árið 1987 var skattlaust ár og menn hafa verið meira
vakandi fyrir því að koma vinnuskýrslum frá sér áður en ár staðgreiðslu
skatta gengi í garð. í ársskýrslum hefi ég stundum bent á að tímabært væri
að huga að endurkoðun reglugerðar um forfallaþjónustu í sveitum. Nú tel
ég að það sé orðið meira en tímabært. í fyrsta lagi urðu ársstörf á árunum
1986 og 1987 66 hvort ár en heimild einungis fyrir 60 ársstörfum. Þetta
leiðir til þess að skerða verður árið 1988 um 6 ársstörf. Vaknar þá sú
spurning með hverjum hætti það skuli gert. í öðru lagi er nauðsynlegt að
setja á það tímamörk, hversu gamlar vinnuskýrslur verði afgreiddar. f
þriðja lagi er tímabært, í ljósi reynslunnar, að kveða skýrar á um sam-
skiptareglur bænda og afleysingafólks, hvað varðar vinnutíma og að-
búnað. Ég nefni þetta hér til íhugunar, en vafalaust kæmi fleira til.
114