Búnaðarrit - 01.01.1988, Síða 125

Grænlandi þetta árið og var Jón Hannesson, Hjarðarbóli, fulltrúi Ferða-
þjónustu bænda þar. Ferðakaupstefnan World Travel Market í London
var í byrjun desember. Paul Richardsson var þar fulltrúi Ferðaþjónustu
bænda. A báðum þessum kaupstefnum var mikill áhugi sýndur fyrir
þjónustu FB og er árangur strax farinn að sýna sig.
Bryddað var upp á ýmsum nýjungum á árinu, svo sem jöklaferðum
o.fl., og er eftirspurn eftir ýmsum afþreyingarmöguleikum til sveita
vaxandi. Unnið hefur verið að gerð svokallaðra „ferðapakka“ og sölu-
kerfa. Þessu hefur verið vel tekið af erlendum ferðaskrifstofum og hafa
þær sýnt mikinn áhuga fyrir þessu.
Mikilvægt er að hafa tengsl við aðra aðila í ferðaiðnaðinum og öðrum
greinum í tengslum við starfsemi samtaka FB. Hafa starfsmenn skrifstof-
unnar tekið þátt í ráðstefnum og fundum í því skyni. Sem dæmi má nefna
að Margrét sat ráðstefnuna „Reykjavík-fundarstaður framtíðarinnar“ og Paul
sat ráðstefnuna „Hefur byggðarstefnan brugðist“. Paul á einnig sæti í
Ferðamálaráði. Tveir félagsfundir voru haldnir á árinu að námskeiði á
Hvanneyri frátöldu. Fyrri fundurinn var haldinn í Reynihlíð í september
og aðalfundur Samtaka FB var haldinn á Hótel Sögu 7.— 8. nóv. Báðir
þessir fundir voru mjög vel sóttir og mörg málefni rædd.
Hér hefur verið stiklað á stóru í starfsemi skrifstofu FB árið 1987.
Eins og nefnt var áður hóf Margrét Jóhannsdóttir störf sem ráðunautur í
ferðaþjónustu 1. okt. 1987. Þessa 3 mánuði hefur hún kynnt sér starfsemi
samtakanna og tekið virkan þátt í allri almennri starfsemi skrifstofunnar.
Einnig hefur hún unnið við gerð ferðapakka fyrir einstakar ferðaskrifstof-
ur og einnig pakka og sölukerfi fyrir hinn almenna markað. Undirbúning-
ur arðsemisútreikninga hefur einnig tekið mikinn tíma, þar sem stefnt er
að því að vera með staðlað form, sem getur auðveldað ráðgjöf í hverju ein-
stöku tilfelli. Ekki hefur verið mikið um ferðalög hingað til, en eina helgi
fór Margrét upp í Borgarfjörð, skoðaði þar bæi og sat fund með nokkrum
ferðaþjónustubændum.
13. janúar 1988,
Margrét Jóhannsdóttir