Búnaðarrit - 01.01.1988, Qupperneq 160
Mál nr. 5
Erindi Búnaðarsambands Austurlands um launagreiðslur skrifstofumanna
búnaðarsambanda.
Málið afgreitt með eftirfarandi ályktun, sem samþykkt var með 25
samhljóða atkvæðum:
Búnaðarþing telur ekki fært, við núverandi aðstæður, að fara fram á
opinbera þátttöku í launum skrifstofufólks fyrir búnaðarsamböndin í
landinu.
Hins vegar telur Búnaðarþing eðlilegt, að þessi mál verði athuguð ásamt
fleirum við nauðsynlega endurskoðun á fyrirkomulagi leiðbeiningaþjón-
ustunnar.
Mál nr. 6, 19 og 29 (hluti)
Erindi Búnaðarsambands Kjalarnesþings um upplýsinga- og leiðbeininga-
stöðvar í landbúnaði, erindi formannafundar búnaðarsambanda um
eflingu leiðbeiningaþjónustu og rannsókna í landbúnaði og skipan
leiðbeiningaþjónustu. —Áfangaskýrsla (hluti þess máls).
Málin afgreidd með eftirfarandi ályktun, sem borin var upp í þrennu lagi.
Voru I. og III. liður samþykktir með 21 samhljóða atkvæði og II. liður
með 16 atkvæðum gegn þremur:
I.
Búnaðarþing beinir því til landbúnaðarráðherra, að hann feli nefnd
þeirri, er hann skipaði til þess að fjalla um skipan Ieiðbeiningaþjónustu,
eftirfarandi:
1. Að endurskoða lög um Búreikningastofu landbúnaðarins með það að
markmiði, að búreikningastofan þróist, svo fljótt, sem unnt er, í það að
verða Hagstofnun landbúnaðarins.
Þingið minnir á og vísar til ályktunar Búnaðarþings 1987 í máli nr. 47
varðandi Hagstofnun landbúnaðarins.
Jafnframt vísar þingið til 17. kafla áfangaskýrslu nefndarinnar, þar sem
skilgreint er hlutverk slíkrar stofnunar. Þingið lýsir stuðningi sínum við
þær hugmyndir og tillögur, sem þar koma fram, og ítrekar nauðsyn þess
að hraða framgangi þessa máls.
2. Að gera fullmótaðar tillögur um leiðbeiningamiðstöðvar í héraði á
grundvelli þeirra hugmynda, sem fram koma í 11. kafla áfangaskýrslu
nefndarinnar.
3. Að gera tillögur að löggjöf um ráðunautastarfsemi, og vísast í því
sambandi til 15. kafla áfangaskýrslu nefndarinnar.
4. Að setja fram mótaðar tillögur um það, hvernig hagkvæmast væri að
koma fyrir og ná markvissari tengslum en nú eru milli rannsókna,
158