Búnaðarrit - 01.01.1988, Qupperneq 161
fræðslu og leiðbeininga í landbúnaði. Tillögugerðin tæki m.a. til
yfirstjórnar þessara málaflokka, staðsetningar einstakra rannsókna-,
fræðslu- og leiðbeiningaþátta, og þá um leið nauðsynlegrar verkaskipt-
ingar á milli þeirra stofnana, sem vinna að þessum málaflokkum.
5. Að gera tillögur um, hvernig háttað verði fjármögnun til þeirrar
starfsemi, sem tilgreind er í töluliðunum 1—4 hér að framan.
II.
Búnaðarþing telur, að vinna þurfi að gróðurvernd, uppgræðslu lands og
landnýtingu með samræmdari, markvissari og skipulegri hætti en nú er,
þar sem ljóst er, að stóraukinni athygli mun verða beint að þessum
málaflokki á komandi árum.
Því lýsir Búnaðarþing yfir eindregnum stuðningi við 19. kafla í
áfangaskýrslu nefndar, sem fjallar um skipan leiðbeiningaþjónustu og
skorar á landbúnaðarráðherra að koma í framkvæmd hið allra fyrsta þeirri
skipan á þessum málaflokki, sem þar er lagt til.
III.
Búnaðarþing felur stjórn Búnaðarfélags Islands að hlutast til um, að nú
þegar verði ráðinn hæfur maður til þess að standa fyrir og vinna að
uppbyggingu á upplýsingabanka fyrir leiðbeiningaþjónustu og fleiri verk-
efni, sem landbúnaðinum tengjast.
í því sambandi vísar þingið til 18. kafla áfangaskýrslu nefndar, sem
fjallar um skipan leiðbeiningaþjónustu, varðandi verkefni og tilgang
slíkrar stofnunar.
Leitað verði til Framleiðnisjóðs landbúnaðarins o.fl. stofnana, sem nýtt
geta sér upplýsingabankann, um fjármagn í þetta verkefni.
Mál nr. 7
Erindi Ólafs E. Stefánssonar um verðjöfnun á sæði úr Gallowaynautum og
íslenzkum.
Málið afgreitt með eftirfarandi ályktun, sem samþykkt var með 14
samhljóða atkvæðum:
Búnaðarþing hefur haft til umfjöllunar erindi Ólafs E. Stefánssonar um
verðjöfnun á sæði úr Gallowaynautum og íslenzkum.
Þingið mælir ekki með breytingunni.
Greinargerð:
Búfjárræktarnefnd hefur rætt erindi Ólafs E. Stefánssonar við flutnings-
mann sjálfan og ennfremur ítarlega við Diðrik Jóhannsson, forstöðumann
Nautastöðvarinnar. Sjónarmið þeirra eru andstæð. Hinn síðarnefndi telur
159