Búnaðarrit - 01.01.1988, Page 169
Mál nr. 18
Erindi formannafundar búnaðarsambanda um rekstrarforsendur loðdýra-
ræktar.
Afgreitt með máli nr. 14.
Mál nr. 19
Erindi formannafundar búnaðarsambanda um eflingu leiðbeiningaþjón-
ustu og rannsókna í landbúnaði.
Afgreitt með máli nr. 6.
Mál nr. 20
Erindi Gunnars Sæmundssonar um tölvutækni á búum bænda.
Málið afgreitt með eftirfarandi ályktun, sem samþykkt var með 25
samhljóða atkvæðum:
Búnaðarþing bendir eindregið á, að skipulegt og samræmt bókhald hjá
sem flestum bændum er algjör forsenda fyrir því, að umrædd Hagstofnun
landbúnaðarins nái tilgangi sínum.
Því telur þingið eftirfarandi atriði vera þau forgangsverkefni, sem vinna
þarf að og ljúka á þessu ári:
1. Ljúka gerð forrita fyrir það bændabókhald, sem þegar er hafið, og því
komið í notkun hjá búnaðarsamböndum og einstökum bændum.
2. Reynt verði að samræma tækjakaup einstakra bænda á sviði tölvuvæð-
ingar og tryggja, að bókhald, sem unnið er af einstökum bændum,
nýtist í sameiginlegum upplýsingabanka.
3. Gert verði raunhæft átak til þess að efla tölvunotkun hjá búnaðarsam-
böndum.
Greinargerð:
Á undanförnum árum hefur verið unnið að því, að búnaðarsamböndin
tækju tölvutæknina í þjónustu sína. Nú er svo komið, að þau hafa öll
fengið þennan tækjakost með nokkrum fjárhagslegum stuðningi frá
Framleiðnisjóði landbúnaðarins.
Tilgangurinn með þessum tækjakaupum er m.a. sá að gera búnaðarsam-
böndunum kleift að annast bókhald fyrir bændur eftir samræmdu kerfi,
sem skilaði bændum landbúnaðar- og fyrningaskýrslum vegna skattfram-
tals, einnig margvíslegum upplýsingum til þess að byggja á hagfræðilegar
leiðbeiningar og grunn að væntanlegri Hagstofnun landbúnaðarins.
167